حلّت لمياء كامل، الشريك المؤسس لـ The Global Narrative والرئيس التنفيذي لشركة Cc Plus ومؤسس قمة صوت مصر Narrative Summit، ضيفة على «نجوم إف إم» مع يارا الجندي ضمن تغطيتها الخاصة لـ Narrative Summit 2026 في سوما باي بالبحر الأحمر.
وعن النسخة العاشرة من قمة صوت مصر قالت لمياء كامل: «أنا حاسة إن هي كان تتويج لفكرة وظهرت من 10 سنين، لما كنت أصغر وكنت عايزة أعمل حاجة خارج الصندوق وكان عندي رؤية وما كانش معايا فلوس ولا تيم لكن كان عندي أصدقاء بيدعموني، والنهارده بعد 10 سنين بتفرج على جيش ورا قمة صوت مصر، وكل واحد اشتغل حقيقي كأن الحاجة دي بتاعته وهي بتاعته فعلًا».
وتحدثت عن رأي المتحدثين الأجانب المشاركين في القمة وقالت: «بيكونوا منبهرين إن حاجة زي كده طلعت في مصر وبالمكان السياحي ومنبهرين بالتنظيم ومنبهرين بالمحتوى، وإنتي بتخلقي فرص وبتخلقي شراكات لحاجات كتيرة جدًا فهم منبهرين بده ودي حاجة تسعدني لأن أنا بصراحة دايمًا كنت ببقى قلقانة إن إحنا قافلين على نفسنا ومش عارفين نستفيد من تجارب بره، لقيت إنه لأ إحنا عندنا مؤهلات عالية جدًا وبره بينبهر بيها».
وتطرقت لمياء كامل مؤسس قمة صوت مصر إلى الخطط المستقبلية التي تمت مناقشتها خلال النسخة الحالية فيما يخص الـ10 سنوات المقبلة، وقالت: «الـ10 سنين اللي جايين سباق بجد، وعاوزين نعمل 3 حاجات، أول حاجة نعمل حاجة بره مصر فدي هنجتهد فيها جدًا، وهنركز قوي على الشباب الصغير عشان يقدر يندمج مع القيادات، وكمان يبقى عندنا شراكات أكتر».
مواضيع ممكن تعجبك
أحدث الأخبار