تحدث الشاعر بهاء الدين محمد في مداخلة هاتفية لبرنامج «أسرار النجوم» مع إنجي علي على «نجوم إف.إم» في حلقة خاصة عن الفنان الراحل هاني شاكر.
وقال الشاعر بهاء الدين محمد عن رحيل هاني شاكر: «الجسم راح بس الاسم موجود، والناس اللي بتعيش محترمة في الوسط الفني وتكمل بنفس الاحترام ده شيء صعب جدًا ومش سهل».
وأضاف: «هاني كان إنسان مبتسم، ومن المطربين القليلين اللي عمره ما غار من حد، كان عبارة عن حب وطاقة، وبرحيله حسيت إن فيه حاجة نقصت، لأن الناس المحترمة بجد اللي ما بتأذيش حد قليلين، ورغم إن فكرة الرحيل كانت متوقعة، لكنها كانت صدمة برضه».
واسترجع ذكرياته الفنية معه قائلًا: «اشتغلنا مع بعض كتير، وفيه أعمال أنا بعتز بيها جدًا، وبعتز بيه بشكل خاص لأنه كان محترم بجد احترام مش مُدّعي».
كما تحدث عن محبة الأجيال الجديدة له، وقال: «الأجيال الصغيرة اللي ما كانتش بتسمعه وبتسمع الجيل الجديد، بدأت تعرفه دلوقتي، وهو أكيد كان هيفرح لو كان موجود وشاف الحب ده كله».
*صورة من الصفحة الرسمية للفنان هاني شاكر على فيسبوك
مواضيع ممكن تعجبك
أحدث الأخبار
