كشف الكاتب والسيناريست د. مدحت العدل تفاصيل مشروعه المسرحي الجديد عن حياة العندليب عبد الحليم حافظ بعنوان «حليم.. زمن الرومانسية» وذلك خلال مداخلة هاتفية لبرنامج «أسرار النجوم» مع إنجي علي، على «نجوم إف.إم».
وقال د. مدحت العدل: «مسرحية حليم هي تحدي قوي جدا بعد نجاح مسرحية أم كلثوم جوه وبره مصر، وأنا بعملها بناء على طلب الجمهور، وكمان السنة الجاية بتمر 50 سنة على وفاته، فقررنا نعمل المسرحية بشكل مختلف تمامًا عن مسرحية أم كلثوم».
وأضاف: «أصعب حاجة قابلتني في التحضير إن كل أغاني عبد الحليم ناجحة لحد دلوقت فأنت بتقدم حد عايش وسطنا بأغانيه اللي ناجحة أوي، وأنا مش عامل حفلة لعبد الحليم لكن سيرة حياته والمحطات المهمة في حياته وإن حلمه كان أكبر من أي حاجة وكان بيقاوم وهو بينزف ويغني علشان كده أغانيه عايشة لحد دلوقت».
ووعد الجمهور بعمل فني مبهر، وقال: «إن شاء الله هيكون أكثر إبهارا من مسرحية أم كلثوم لأن شخصيتها أكثر رصانة لكن عبد الحليم كان أكتر حركة على المسرح وأكثر ديناميكية، وعبد الحليم كان بيتمرد على نفسه وعظمته إنه لم يسجن نفسه داخل نجاح لون معين، ووهو كان يغازل الناس لأنه من الناس ولم يبتعد عنهم للحظة».
وعن اختياره لبطل العمل، قال: «هدوّر على كاريزما وروح حليم أكتر من الشبه أو حد بيقلده حتى لو مش نسخة منه، حتى الأداء مش هيكون بيقلد عبد الحليم».
*صورة من الصفحة الرسمية للسيناريست مدحت العدل على فيسبوك
مواضيع ممكن تعجبك
أحدث الأخبار