اسمي لينة الطهطاوي، اتخرجت من كلية الإعلام دفعة 2017، حلمي من صغرى إني أكون مذيعة فاشتغلت كتير على نفسي علشان عارفة المجال الصعب ده، ولما كنت في الجامعة كان حلمي إنى أشتغل في «نجوم إف إم»، فاتدربت وأنا في السنة التانية في الجامعة في «نجوم إف إم»، ومن وقتها كانت «نجوم إف إم» المكان المفضل اللي بحلم إني أشتغل فيه.
كنت كابتن كرة قدم لحبي وشغفي بكرة القدم بس للأسف أصبت، وبسبب الإصابة ومع حبي لكرة القدم بقيت أول مراسلة رياضية في أكتر من قناة رياضية في مصر ثم بقيت مذيعة رياضة في أحد أهم القنوات الرياضية في مصر ومن بداية 2022 بقيت مذيعة برنامج «كلاكيت» في «نجوم إف إم» وأنا مبسوطة جدًا لأنه كان من أكبر أحلامي إني أكون فرد من أسرة «نجوم إف إم».
