بعد ما اتخرجت من الجامعة سنة 2013، اشتغلت في أماكن كتيرة، ما لقيتش نفسي غير في مجال الإعلانات اللي قعدت فيه أكتر من 5 سنين، لحد ما جت صدفة غيرت لي مشواري المهني وحولتني من شخص بيكتب وبيطلع أفكار إعلانات لمعلق صوتي كمان، ومنها اشتغلت مذيع راديو في واحدة من المحطات في 2018 لحد ما جيت «نجوم إف إم».
ممكن تكون سمعت صوتي في إعلانات شوفتها على التليفزيون أو بتتذاع في الراديو، بس عمرك ما هتكون عرفت شكلي عامل إزاي.
فلو في طريقك للشغل أو مخلص الشيفت بتاعك ومروح أو صاحي الصبح ومش لاقي حاجة تعملها، تقدر دلوقتي تسمعني على «نجوم إف إم» أو تشوفني على «نجوم إف إم TV» كل يوم في برنامج «عيش صباحك»، من الأحد إلى الخميس.