اتولدت في الإمارات والفترة الأكبر من حياتي كانت بين الإمارات ومصر، درست فنون تطبيقية – قسم media design في الجامعة الألمانية، بحب الفنون بكل أنواعها: إذاعة، سينما، إخراج، تمثيل، رسم، موسيقى، أي حاجة فيها فن هبقى بدور عليها وعايزة أكون موجودة حواليها.
بلاقي أنه صعب جداً إن صفة واحدة أو شغف واحد بس يوصف الشخص وإن التجارب هي اللي بتعرّف كل حد على نفسه أكتر وبتكوّنه، فابتديت أجرب مجالات مختلفة عندي ليها شغف من وقت ما اتخرجت، كلها في الفن، اشتغلت مصورة فوتوغرافية في دبي، ولما رجعت مصر اشتغلت مصممة جرافيك ومونتيرة، بشتغل في الإعلانات من 2019 كموديل ومساعدة إخراج وحالياً انضميت لـ نجوم إف إم من 2023 بعد ما فوزت بلقب Radio Star 2022.
عندي 3 أهداف نفسي أحققهم: أبقى مذيعة، ممثلة، و مخرجة. أؤمن بالإنسانية ونفسي من خلال رحلتي أساهم في تعزيزها.