تستمع الآن

أمير صلاح الدين لـ«عيش صباحك»: «بخاف من الأدوار الكبيرة.. وعاوز أسلط الضوء على النوبيين في السينما»

الخميس - ٢٤ فبراير ٢٠٢٢

تحدث الفنان أمير صلاح الدين عن تفاصيل ععد من أشهر أعماله السينمائية والدرامية خلال مشواره الفني التمثيلي إلى جانب الغناء وذلك في لقائه مع يوسف التهامي وفانا إمام في «عيش صباحك» على «نجوم إف.إم»، الخميس.

ألف مبروك

وعن فيلم «ألف مبروك» أول أعماله السينمائية خارج المسرح، قال: «كنت مرشح لدور بس راح لحد تاني وبعدين اترشحت لدور سواق التاكسي ووافقت عليه وقلت إني بعرف أسوق رغم إني ما بعرفش وما بحبش السواقة بس قلت أكيد مشهد بسيط علشان بقول جملة واحدة، والمخرج أحمد نادر جلال اقترح عليا فكرة الغنا خلال المشهد وطلعت أغنية (يا برنس الليالي)».

هجمة مرتدة

كما تحدث عن تجربته في مسلسل «هجمة مرتدة» العام الماضي مع أحمد عز، موضحًا: «من وأنا طفل بحب المخابرات وقصص التجسس، ومصر من ضمن أقوى أجهزة المخابرات في العالم لكن الأعمال الفنية ما أظهرتش الجانب ده أوي وغالبا بتقدم ده بطريقة بيكون فيها خطابة أكتر، فلما اتعرض عليا قلت أنا عاوز أعمل حتى مشهد بس، وقدمت شخصية ظابط في المخابرات هوايته الرسم فاخترع شفرة للتواصل مع زملائه، وكان التعاون مع أحمد عز بعد ما اتقابلنا في فيلم الممر».

كوفيد-25

كما تطرق إلى دوره في المسلسل ذي الـ15 حلقة في رمضان الماضي «كوفيد 25» مع الفنان يوسف الشريف مؤكدًا أن يوسف له فضل عليه مثل الفنان أحمد حلمي في بداياته، قائلًا: «يوسف الشريف صاحب فضل عليا وهو اللي رشحني أجي ضيف شرف في مسلسل اسم مؤقت، وكمان رشحني لدور في مسلسل الصياد في دور ظابط ومحدش بيعمل كده لأنه دور مهم وخرجني من فكرة السواق وده أحد نقاط التطور في مشواري».

وأكد أمير صلاح الدين أنه لا يفكر في حجم الدور أو اسمه على الأفيش مؤكدًا أنه يبحث عن طبيعة الدور نفسه وجوابنه: «أنا بخاف من الأدوار الكبيرة واتعرض عليا أدوار بطولة بس أنا أحب أعمل دور البطولة اللي أشوف إنه مش هيتكرر أو مفيش مؤلف تاني هيكتبه».

وأشار إلى أن الفنانين النوبيين والشخصيات النوبية لا تأخذ حقها سينمائيًا ويتم حصرهم في مساحة محددة، وأنه يفكر فيى عدد من المشروعات الفنية لإبراز أعلام النوبة عبر التاريخ: «فكرنا نعمل فيلم عن المزيكا بس مفيش إنتاج، فيلم كاتبه اسمه (عابدين) فيلم كله عن نوبيين عابدين من زمان وهو فيلم استعراضي ميوزيكال، لكن محتاج منتج زكي ينتجه.. وعاوز أقدم شخصية نجم كرة القدم أحمد الكاس، مش هيتكلم عنه شخصيًا هيتكلم عن الكورة وكواليسها في الأقاليم».


الكلمات المتعلقة‎


مواضيع ممكن تعجبك