تستمع الآن

ياسمين رئيس: «أنا ست بيت والتمثيل هوايتي»

الأحد - ٠٧ نوفمبر ٢٠٢١

قالت الفنانة ياسمين رئيس إنها لا تريد أن يصبح التمثيل مهنتها وأننها تفضل أن يبقى في إطار الهواية.

وأضافت في لقائها مع عمرو أديب في «الحكاية»: «مش عايزة أحس إن مهنتي ممثلة، عايزة أحس إن أنا بمارس هوايتي.. أنا ست بيت وبعدين ممثلة، مهنتي الأصلية ست بيت وأم».

وتحدثت عن تأديتها لأدوار البنت الشعبية في أكثر من عمل وخاصة «ملوك الجدعنة» في رمضان الماضي، موضحة: «زمان أول ما ابتدت السينما كانوا بيقولوا إن الحلاوة مهمة، بس مع الوقت كل حاجة اختلفت، إزاي تبقى شبه الناس.. والبنت الشعبية في “ملوك الجدعنة” مختلفة عن شخصية شعبية عملتها في حاجات تانية زي “طرف ثالث” أو “فتاة المصنع”».

وتحدثت عن علاقتها بزوجها المخرج هادي  الباجوري قائلة: «جوزي أكتر واحد بياخد باله لما أعمل شعري، شغله كله مع ستات، وذوقه حلو في كل حاجة، ابني الصغير لو عملت أي حاجة في شعري مهما كانت بياخد باله، وباباه بيقوللي بينصب عليكي»، مضيفة « في ستات قلبها في ودنها، لازم تقول كلام حلو طول الوقت، وطول الوقت تاخد بالك من أي حاجة في شكلها، لكن الكلام لوحده مش كفاية».


الكلمات المتعلقة‎


مواضيع ممكن تعجبك