تستمع الآن

أحمد آدم يبكي على الهواء متذكرًا ضيق حاله في البدايات: «ما كانش معايا غير شلن»

الثلاثاء - ٢٨ سبتمبر ٢٠٢١

تأثر الفنان أحمد آدم بسبب شعوره بتأنيب الضمير لغيابه عن جنازة الفنان الراحل سمير غانم وكذلك جنازة زوجته التي لحقت به دلال عبد العزيز.

وأوضح خلال لقائه ببرنامج «حديث القاهرة» على «القاهرة والناس»، أنه لم يدرك وقتها ماذا يفعل بسبب تأثره وحزنه موضحًا: «الموضوع أثر فيا وتعبني، ولغاية دلوقت أنا مش مصدق إنهم إتوفوا، لإني حاسس إن أنا معزتش، ومعرفتش أعمل إيه ساعتها، حسيت كإني مقصر، بس ماكانش تقصير مني، كانت ظروف خارجة عن إرادتي، بس كان لازم أهزمها وأروح، فالموضوع ده مؤنب ضميري قوي».

وبكى أحمد آدم على الهواء بسبب تذكره ضيق حاله في بداياته بموقف مع زوجته الحالية وهما ما زالا في فترة الخطوبة وعطاء الله وإشاراته في مقابل هذا الضيق.

وحكى آدم: «وأنا خاطب مراتي، كنا لسه على باب الله، وبعدين جتلي في لحظة حسيت إن مش هينفع، الظروف متنيلة خالص، وبقت المسألة يا أسافر يا مش هينفع.. فماشيين مرة في سان ستيفانو وإحنا ساكنين في محرم بك، واخدينها مشي ومعاييش غير شلن في جيبي وسيجارتين، كل ده أنا عايز أمهد لها إننا مش حننفع لبعض، وإنت بنت ناس ومش عايز أبهدلك، وهي بتقوللي يعني إنت كارهني مش عايزني ولّا الموضوع خاص باللي إنت بتقوله، رحت معيط».

وأضاف: «فجأة ببص في الأرض لقيت سجارة في سجارة في علبة سجاير، في ربع جنيه في جنيه. الشارع ده الإسكندرانية كلهم عارفينه مبيمشيش فيه بني آدم. قعدت أبص يمين شمال عايز ألاقي حد ماشي يكون وقعت منه الحاجة دي، وهي تقوللي مش قلتلك، ودي سجاير، فما بالك ربنا حيعمل فينا إيه وإحنا بنتجوز».

وشارك الفنان أحمد آم في فيلم «200 جنيه» من إخراج محمد أمين، وتأليف أحمد عبد الله، ومن بطولة: أحمد السقا، أحمد رزق، نيللي كريم، هاني رمزي، إسعاد يونس، محمد فراج، عمرو عبدالجليل، طارق عبدالعزيز، خالد الصاوي، آسر ياسين، ليلى علوي، مي سليم، والذي يحكي عن مبلغ 200 جنيه تنتقل من شخص لآخر من مختلف الطبقات الاجتماعية والأماكن السكنية.

فيلم 200 جنيه


الكلمات المتعلقة‎


مواضيع ممكن تعجبك