تستمع الآن

حلا شيحة تتبرّأ من كليب رومانسي مع تامر حسني من فيلمهما: «أنا تُبت ودي كانت زلّة»

الخميس - ١٥ يوليو ٢٠٢١

تبرّأت الفنانة حلا شيحة من كليب «بحبك» للفنان تامر حسني، الذي تم طرحه ضمن فيلمهما الجديد «مش أنا»، وجمعها به في مشاهد رومانسية من أحداث الفيلم.

وقالت «حلا» في منشور لها عبر «إنستجرام»: «انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته ووضحت فيه انا ايه».

حلا شيحة

وتابعت: «اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي».

وأوضحت: «احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح.. انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح».

حلا شيحة

وأضافت حلا شيحة: «بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى ..انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا، الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن».

حلا شيحة

وذكرت تامر حسني بلقاء سابق له تمنى فيه ألا يكون مطربًا وقت موته، قائلة: «احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا، شوفه تاني يمكن يفكرك ان جواك اكيد في صراع و انا وكلنا، كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد».

وكانت حلا أوضحت موقفها من التمثيل وفيلم «مش أنا» خاصة بعد زواجها، حيث قالت قبل أسبوعين: «بحمد ربنا اني أخيرا لقيت التوازن بين إني اكون سعيدة في حياتي وفي نفس الوقت أكون صادقة مع نفسي واللي مؤمنة بيه من جوايا ، أما بالنسبة لفيلم (مش أنا) الحقيقة انه تم تصويره من اكتر من سنة ونص وبسبب ظروف كورونا أتأخر جدا نزوله وانا كمان حالي اتغير واتجوزت الحمد لله والفيلم فعلا بقى (مش أنا) وباتمنى التوفيق لكل زملائي».

#اجمد7 | لقاء مع النجم تامر حسني ويكشف فيه عن كواليس فيلمه الجديد “مش أنا”


الكلمات المتعلقة‎


مواضيع ممكن تعجبك