تستمع الآن

لقاء الخميسي للمتنمرين بزوجها: «لو أنت كاره فيه ناس بتحبه وبتدفعله فلوس عشان يشتغل».. فيديو

الأربعاء - ٠٣ مارس ٢٠٢١

تحدثت الفنانة لقاء الخميسي عن التنمر الذي كان يتعرض له زوجها حارس كرة القدم محمد عبد المنصف، والفرق في الأداء الذي عاد به مؤخرًا مع ناديه وادي دجلة.

وقالت لقاء الخميسي في مداخلة لبرنامج «كلمة أخيرة» مع الإعلامية لميس الحديدي: «التنمر على أوسا موجود من 16 عامًا من وقت ما عرفته بس وقتها ما كانش فيه سوشيال ميديا بس كنا بنسمعه في الملعب أو بيتبعت لنا في رسايل لكن مع مرور الوقت وانتهاء التوتر لما ساب نادي الزمالك بدانا نشتغل في حالة من الهدوء».

وأضافت: «مع الوقت التنمر انتقل إلى منصات السوشيال ميديا في كل حتة وعلانية وهو دلوقتي عنده أولاده وعنده عيلته وهو راجل هادي بطبعه أقوى من أنه يرد وكان دائماً يقول لي أنا مش مهتم، كبري دماغك وأقفلي ودنك وأنا مش متضايق، بس أنا الصراحة مش بقدر أسكت».

وأكدت أنه على كل شخص احترام الآخر مهما اختلف معه موجهة رسالة للمتنمرين به: «إذا كنت أنت كمتنمر كاره، فيه ناس تانية بتحبه وبتجيبوا وبتدفعله فلوس عشان يشتغل وفي نفس الوقت لازم تحترموا عيلته والطابور اللي ماشي وراه ومشاعرهم».

وأضافت: «أوسا كان بيتعرض للشتايم في الملعب وكنت بسمعهم ومع ذلك كمل، واتحمل اللي مفيش أي لاعب كورة يتحمله، ولو كنت أنا كنت بطلت، وأعتقد أوسا لما راح وادي دجلة شهد حالة من الهدوء والاحترام من قبل الإدارة والمدربين الأجانب ولازم تشوفوا الفيديوهات اللي عاملينها المدربين ليه إدوله الثقة وأن يبقى في الوضع الراهن وهو رجل صاحب تحدي لايفرق معه العمر ولا الاقاويل».


الكلمات المتعلقة‎


مواضيع ممكن تعجبك