يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة جيهان خليل، في الحلقة التاسعة من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات جيهان خليل:
صحيتي من النوم لقيتي عقلك سايب رسالة بيقولك «زهقت منك وهسيبك وإوعي تدوري عليّا.. هتعملي إيه»؟
دي كارثة وهدور عليه
عقلك سابق سنك؟
بحس كده
سؤال محير عقلك؟
أسئلة كتير عن نفسي
إذا اتعاملتي مع شخص عقله صغير.. بتعملي إيه؟
باخده على قد عقله
قرار في حياتك فخورة باستخدام عقلك قبل قلبك؟
قرارات كتير بستخدم فيها عقلي لكن معظمها له علاقة بمجال عملي
تحبي تقرأي عقل مين؟
طه حسين
بتخسري الناس بسهولة؟
لو حد غالي بستحمل كتير
في جرح عقلك لسه فاكره؟
أه أكيد
عادة تكرهيها في جيهان؟
نفسي أكون طول الوقت هادية
تعملي إيه لو كنتي الشخصية الوحيدة العاقلة في العالم؟
هتجنن زي الباقي
تستخدمي زر التجاهل امتى؟
في الشغل
تشيلي إيه من دماغك.. التوتر أم الشك أو التفكير الزائد؟
التوتر
مين واخد عقلك؟
عائلتي
ترسمي عقلك إزاي؟
قلب كبير
في حد دائما بيقولك إعقلي يا جيهان؟
والدتي
فيكي إيه من عقل والدتك؟
مفيش خالص
هل زارتك فكرة مجنونة؟
كل أفكاري المجنونة بنفذها
بتعرفي تكبري دماغك؟
أحيانًا بمشي الدنيا
أكثر شخصية مجنونة جسدتيها؟
دوري في مسلسل «درش»
شخصية قدمتيها تشبه طريقة تفكيرك؟
محصلش
شخصية قدمتيها تحبي تقضي معاها يوم؟
كل الشخصيات اللي قدمتها
من خذلك.. عقلك أم إحساسك؟
قلبي.. فالقلب نقطة ضعف الإنسان
تستلفي عقل مين من الفنانين؟
الفنانة فاتن حمامة
لون عقلك إيه؟
لون السماء
تاخدي دواء يمنع التفكير؟
لا صعب
عقلك بيفكر بصوت عالي مع مين؟
ناس قليلة من بينهم أصدقاء لي
لو في زر لتحويل أي شخص لمجنون تجربيه على مين؟
محبش
أعقل مجنونة أم أجن عاقلة؟
أعقل مجنونة
مين معاه مفتاح مخك الاحتياطي؟
والدتي ووالدي
مين يجنن الثاني.. الرجل أم الست؟
الرجل
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
حنان مطاوع
خلاصة حكمتك مع الحياة؟
امشوا وراء يقينكم الداخلي ولا تستمعوا لأي شيء محبط
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار