حل المنتج إيهاب جوهر الشريك المؤسس ورئيس مجلس إدارة سعدي جوهر وMedia Hub Production ضيفًا على «نجوم إف إم» مع يارا الجندي ضمن تغطيتها الخاصة لـ Narrative Summit 2026 في سوما باي بالبحر الأحمر.
وتحدث المنتج إيهاب جوهر عن تأثر صناعة الإعلانات بالأحداث الإقليمية والعالمية، وقال: «اللي بيحصل حوالينا في المنطقة وفي العالم فيه صناعات بتتأثر بيه وصناعات ما بتتأثرش، وشركات الإعلانات شغلها متنوع شوية بين مجالات مختلفة فما أقدرش أقول إننا متأثرين بشكل قوي، بالعكس سوق الإعلانات في مصر بينمو سنة بسنة يمكن مع التضخم وزيادة الأسعار محصلش مقابلها زيادات بالصورة المناسبة لكن ما زال بيزيد كل سنة والعملاء موجودين والناس ما بتبطلش تعلن ولا تشتغل».
وتحدث عن تأثير تطور الذكاء الاصطناعي وتقنياته على صناعة الإعلان والإعلام، وقال: «تأثير الذكاء الاصطناعي بقي قوي جدًا، هو مش بيضر لكن المهم تعرفي تستفيدي بيه إزاي، وبالعكس هو بيزود سرعة الإنتاج والإبداع والتصور، فاستخدام التكنولوجيا هيفضل موجود لكن الأجيال اللي طلعت في ظل وجود الذكاء الاصطناعي ده هيكون الطبيعي بتاعهم وهم بيشتغلوا بيه كويس».
وأكد على متابعته للدورات السابقة لقمة Narrative Summit مضيفًا: «متابع القمة من فترة طويلة لكن ما صادفنيش الحظ أكون فيها، ودي أول دورة أكون موجود، لكن أنا سمعت واتعلمت كتير من الناس اللي موجودة، وأنا بقالي أكتر من 40 سنة في الصناعة دي، فلو أنا اتعلمت فأكيد هيفيد ناس كتيرة جدا والحوار أكيد بيفتح وبيلهم بحاجات كتير جدًا».
مواضيع ممكن تعجبك
أحدث الأخبار