مي كساب لـ«بينه وبينها»: يجب أن نتواصل مع أبنائنا بطريقتهم ومتابعة قدراتهم منذ الصغر

تحدثت الفنانة مي كساب خلال مداخلة هاتفية لبرنامج «بينه وبينها» على «نجوم إف.إم» عن دور أولياء الأمور في متابعة وتشجيع أبنائهم خلال فترة الدراسة.

وتحدثت عن تجربتها الشخصية مع أبنائها، وقالت: «أنا من البداية اخترت نظام تعليمي مناسب لطبيعة حياة أسرتنا كفنانين فالمدرسة بتساعدني في جزء من المتابعة».

وتابعت: «الجيل ده محتاج طريقة تانية تخاطبه بيها غير زمان فما ينفعش الضغط بطريقة معينة، وأنا قبل الدراسة بجيب أولادي التلاتة وأقول لهم إننا لعبنا في وقت الإجازة ولازم دلوقت تعملوا دوركم في الدراسة والتعليم فبحاول أجتهد علشان أعرف أتماشى مع عقليتهم».

وأكدت: «المشكلة إننا اللي بنختار لولادنا هيطلعوا إيه، لكن لازم من الصغر نشوف قدرات الأطفال وميولهم إيه وممكن يحبوا يطلعوا إيه».

وأشارت إلى طريقتها الخاصة في التواصل مع أبنائها: «طول ما أنتي بتكلمي الطفل بعقله ولغته هيسمع ويفهم لكن المشكلة إننا بنكلمهم بطريقتنا إحنا».

*صورة من الحساب الرسمي لـ مي كساب على فيسبوك