يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة هبة مجدي، في الحلقة الـ22 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات هبة مجدي:
صحيتي من النوم لقيتي عقلك سايب رسالة بيقولك «زهقت منك وهسيبك وإوعى تدور عليّا.. هتعملي إيه»؟
هجري وراه عشان أجيبه
من غير عقلك نفسك تعملي إيه؟
أكيد هكون متجننة
فكرة مجنونة زارتك؟
عملت أفكار مجنونة كتير لكني متورطتش
بتشحني بطارية عقلك إزاي؟
الصلاة والقرآن
لو الإنسانة الوحيدة العاقلة في العالم تعملي إيه؟
هقعد أضحك
العقل كان صاحب القرار خلال مشوارك الفني؟
قلبي أوقات بيتدخل
شخصية جسدتيها وتشبه في طريقة التفكير؟
مفيش
أكثر شخصية مجنونة قدمتيها؟
رحاب في «المداح»
موقف نفسك تتجنني فيه؟
أسافر بعيد عن الشغل
لو قابلتي خيالك في الشارع هتعملي إيه؟
ههزر معاه
لو رسمتي عقلك ترسمي إيه؟
حاجة من الطبيعة
في حد بيقولك إعقلي يا هبة؟
زوجي محمد محسن
مين بيجنن التاني.. الراجل أم الست؟
الست
تربية الأولاد أصعب من البنات؟
طبعًا
تحبي تستلفي عقل مين؟
أم كلثوم
لون عقلك إيه؟
أبيض
تحبي تمسحي إيه من دماغك؟
قرار الزواج
تاخدي دواء يمنع تفكيرك؟
لأ
مين أكثر مخرج عاقل اشتغلتي معاه؟
أحمد سمير فرج
أوصفي عقلك في جملة واحدة؟
أنا في الطراوة
مين معاه مفتاح مخك الاحتياطي؟
زوجي محمد محسن
التجاهل هدوء أم الهدوء تجاهل؟
الهدوء أوقات يكون تجاهل
أعقل مجنونة أن أجن عاقلة؟
أجن عاقلة
تم حجزك في مستشفى مجانين «نجوم إف إم».. مين تحب يكون في الغرفة اللي جنبك؟
شيماء سيف
خلاصة حكمتك مع الحياة؟
إحنا محتاجين ناس عندها عقل ومحتاجين عقلنا حتى نستطيع العيش في الحياة
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار