يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة نيللي كريم، في الحلقة الـ14 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات نيللي كريم:
صحيتي من النوم لقيتي عقلك سايب رسالة بيقولك «زهقت منك وهسيبك وإوعى تدور عليّا.. هتعملي إيه»؟
هو كده كده مش موجود معايا طول الوقت.. أنا لو عشت بعقلي هيكون الموضوع صعب
عقلك سابق عمرك؟
أه
رأيك في مثل «عقله في رأسه يعرف خلاصه»؟
أكيد
قرار فخورك باستخدام عقلك قبل قلبك؟
أنا بستفتي قلبي أولا قبل أية قرارات
في معاهدة سلام بين قلبك وعقلك؟
بيتخانقوا مع بعض.. لكن القلب بيكسب في النهاية
إذا اقتضت الظروف تتعاملي مع شخص عقله صغير.. تعملي إيه؟
باخده على قد عقله
تحبي تقرأي عقل مين؟
عقلي أنا وأفهم بيفكر إزاي
بتخسري الناس بسهولة؟
لأ بستحمل كتير قبل ما أقفل الباب
عادة بتكرهيها في نيللي؟
بصدق الناس بسرعة وبعطي مبررات بمزاجي
تعملي إيه لو كنتي الشخصية الوحيدة العاقلة في العالم؟
هشيل عقلي عشان أكون مجنونة زيهم
مين واخد عقلك؟
حياتي
ترسمي عقلك إزاي؟
خريطة العالم
سؤال لا تجدي إجابة عليه؟
أسئلة كونية
أخبار مواليد برج القوس؟
دماغ صعيدي
انتي شخصية قوية وشجاعة؟
قوي
بتقدري تتجاوزي الصدمات؟
نعم
مين يجنن التاني.. الراجل أم الست؟
الاتنين لازم يكونوا مجانين عشان يجننوا بعض
مين من أبنائك عقله شبه عقلك؟
ولا أحد
أيهما أصعب.. تربية الأولاد أم البنات؟
البنات أصعب
بتعرفي تكبري دماغك؟
جدا
أكتر شخصية مجنونة جسدتيها؟
كلهم مجانين
في شخصية جسدتيها تشبه طريقة تفكيرك؟
أكثر شخصية حبيتها وحسيت نفسي أكمل معاها «سكر» في «بـ100 وش»
تحبي تقضي يوم مع مين من شخصياتك؟
«سكر» في «بـ100 وش»
ممكن تكوني في الحقيقة «بـ100 وش»؟
لأ
مين تحت السيطرة.. عقلك أم قلبك؟
مفيش
عقلك أم إحساسك من خذلك؟
إحساسي لم يخذلني
شعار العيد القومي للعقل؟
أين عقلي
مين معاه مفتاح مخك الاحتياطي؟
مفيش
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
كلب
خلاصة حكمتك في الحياة؟
عقلك في رأسك تعرف خلاصك
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار