يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنان مصطفى شوقي، في الحلقة الـ27 من البرنامج، حيث وافق على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات مصطفى شوقي:
صحيت من النوم لقيت عقلك سايب رسالة بيقولك «زهقت منك وهسيبك وإوعى تدور عليّا.. هتعمل إيه»؟
هغنيله أغنية «ملطشة القلوب».
من غير عقلك أول حاجة تعملها؟
هسافر
العقل بيفصل الإحساس أم الإحساس يخدع العقل؟
الإحساس أحيانا يخدع العقل
ممكن قلبك يتخذ قرار وعقلك يشتتك فيه؟
ممكن
تخطيط دقيق أم لحظة ارتجال؟
لحظة ارتجال
أغنية تعيش أم أغنية ترند؟
أغنية تعيش
فكرة غريبة أم مضمونة؟
غريبة
لحن قبل الكلام أم كلام قبل اللحن؟
أنا بحب الكلام قبل اللحن
عقلك مرتب أم فوضوي؟
أحيانا مرتبة وأحيانا فوضوية
رأيك في مثل «عقله في رأسه يعرف خلاصه»؟
طبعا
عقلك في رأسك؟
أكيد
موقف نفسك تتجنن فيه؟
أنط من طيارة
غلطة عايز عقلك ينساها؟
في كتير لكن مقدرش أقول
مشهد تحب تعيده؟
علاقتي بمشاهد لمواقف وعلاقات فقدتها
سؤال جاوبته غلط لعدم استعمال عقلك؟
الثقة في بعض الناس
إذا اقتضت الظروف تتعامل مع حد عقله صغير.. تتصرف إزاي؟
بتعامل معاه بعقل صغير
بتثق في عقلك دائمًا ولا بتخاف منه أحيانًا؟
بثق فيه جدًا
لو الإنسان الوحيد العاقل وسط عالم من المجانين.. تعمل إيه؟
هتجنن زيهم
العقل بيحمينا من الألم أم يؤجله؟
أحيانا بيحمينا من الألم وأحيانا بيؤجله
عنوان مذكراتك؟
ملطشة القلوب
لو عقلك لوحة ألوانها تكون هادية أم صاخبة؟
أنا بحب الهدوء
أغنية بمثابة مرآة ترى فيها عقلك؟
أغنية «اللي ما يتسموا»
في أغنية بتعبر عن طريقة تفكيرك في الحياة؟
أغنية «مجاريح»
أغنية اختارتك مش أنت اللي اخترتها؟
أغنية «زي الدهب»
عادة بتكرها في مصطفى؟
العصبية والعند
فكرة بتخاف منها؟
مش بخاف من حاجة
بتشحن بطارية عقلك إزاي؟
الفن والموسيقى
مين واخد عقلك؟
المستقبل
تحب تمسح إيه من دماغك؟
شخصيات اتصدمت فيها
تحب تستلف عقل مين؟
محمد عبدالوهاب لأنه اتعلم مزيكا وكان بيزاحم كل الأجيال وكان متطورا في موسيقاه.
تاخد دواء يمنع التفكير؟
لأ طبعًا
في حد بيقولك إعقل يا مصطفى؟
أنا عقلاني في قراراتي جدًا
لو معاك زر لتحويل أي شخص عاقل إلى مجنون.. تختار مين؟
كل اللي حولي مجانين
أوصف عقلك في جملة؟
عالم مجنون
مين معاه مفتاح عقلك الاحتياطي؟
مراتي
أعقل مجنون أم أجن عاقل؟
أجن عاقل
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
حميد الشاعري
خلاصة حكمتك مع الحياة؟
كبر دماغك عن أي شيء بيضايقك.. واعتزل ما يؤذيك
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار