يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة غادة رجب في الحلقة الـ19 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات غادة رجب:
صحيتي من النوم لقيتي عقلك سايب رسالة بيقولك «زهقت منك وهسيبك وإوعي تدوري عليّا.. هتعملي إيه»؟
هدور عليه في كل مكان
من غير عقلك أول حاجة ممكن تعمليها؟
مش هعمل أي حاجة
ممكن عقلك يِشكك في قرارات قلبك؟
أكيد
خدتي إيه من عقل والدك الموسيقار رضا رجب؟
الموهبة والفن
عقلك مرتب؟
مرتب
رأيك في مثل «عقله في رأسه يعرف خلاصه»؟
صح
عقلك في رأسك؟
أه
إذا اقتضت الظروف تتعاملي مع شخص عقله صغير.. تعملي إيه؟
هيصعب عليّا لكن بعد فترة هزهق
لو فجأة لقيتي نفسك الإنسانة الوحيدة العاقلة تعملي إيه؟
هروح أقعد في جزيرة لوحدي
العقل بيحمينا من الألم أم يؤجله؟
بيأجله
عنوان مذكراتك؟
قلق
أغنية تعتبريها مرآة تشوفي فيها عقلك؟
أغنية «خلاص»
في أغنية اختارتك مش إنتي اللي اخترتيها؟
أغنية «بنعشق الحياة»
عادة بتكرهيها في غادة؟
الخوف والقلق
بتشحني بطارية عقلك إزاي؟
القهوة والموسيقى
تاخدي دواء يخليكي متفكريش؟
أه
أخبار مواليد برج الجدي؟
يمتازوا بالصبر والتخطيط
مين يجنن التاني.. الست أم الرجل؟
الراجل
لو في نسخة تانية منك هتعملي إيه؟
هتفاهم معاها
شعار العيد القومي للعقل؟
نعم لبناء مجتمع أفضل
لو هتعملي دويتو على آلة موسيقية هتكون إيه؟
الكمان
تحبي تستلفي عقل مين؟
أنا بحب ويتني هيوستن
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
زوجي عبدالله
خلاصة حكمتك مع الحياة؟
نقفل على نفسنا أكتر ونصغر دائرتنا
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار