يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة عبير صبري، في الحلقة الـ30 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات عبير صبري:
صحيتي من النوم لقيتي عقلك سايب رسالة بيقولك «زهقت منك وهسيبك وإوعى تدور عليّا.. هتعملي إيه»؟
هدور عليه
من غير عقلك تعملي إيه؟
هقعد مع الناس اللي بحبها
إذا كنتي الإنسانة الوحيدة العاقلة في العالم.. تعملي إيه؟
دي حقيقة أنا بحس إني العاقلة الوحيدة والناجية الوحيدة
بتاخدي حقك إزاي؟
الدبلوماسية
موقف نفسك تتجنني فيه؟
فقدت رغبتي في الجنان
لو المجانين حكموا العالم هتكوني سعيدة؟
لأ.. لأني شخص بيحب العقل والمنطق والقواعد
لو قابلتي خيالك في الشارع هتعملي إيه؟
همشي جانبه
ترسمي عقلك إزاي؟
كتاب مفتوح عنوانه «مقاومة»
مواصفات عقل مواليد برج الحوت؟
العقلانية
هل التمثيل لازم يكون به عقل أم جنون للإبداع؟
لا بد من حرية في الإحساس والأفكار والأداء
أكثر شخصية مجنونة قدمتيها؟
«نادية» في مسلسل «خيانة عهد»، و«تميمة» بمسلسل «ألوان الطيف»، و«توحة» في «ستات قادرة»
لون عقلك إيه؟
أبيض
سؤال جاوبتيه غلط في امتحان الحياة؟
لازم تفكري في كل حاجة في حياتك بالحب والعاطفة؟
أكثر مخرج مجنون اشتغلتي معاه؟
محمد سامي والدكتور مجدي أحمد علي
تاخدي دواء يلغي التفكير؟
لأ
شعار العيد القومي للعقل؟
خليك صاحي
بتشحني بطارية عقلك إزاي؟
النوم
مين يجنن التاني.. الراجل أم الست؟
الراجل
مين معاه مفتاح عقلك الاحتياطي؟
شقيقتي مروة صبري
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
مروة صبري وريهام حجاج
خلاصة خبرتك مع الحياة؟
اخرجوا من منطقة الراحة
مواضيع ممكن تعجبك
أحدث الأخبار