يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة سلاف فواخرجي في الحلقة الـ28 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات سلاف فواخرجي:
صحيتي من النوم لقيتي عقلك سايب رسالة بيقولك «زهقت منك وهسيبك وإوعى تدور عليّا.. هتعملي إيه»؟
هقوله معاك حق لأني زهقت منه وتعبت
من غير عقلك نفسك تعملي إيه؟
العقل نعمة.. لكن ممكن أعمل كل حاجة نفسي أعملها
رأيك في مثل «عقله في رأسه يعرف خلاصه»؟
حقيقة
موقف نفسك تتجنني فيه؟
لحظات كثيرة
قرار كنتي فخورك باستخدام عقلك قبل قلبك؟
الحفاظ على العائلة
بتخسري الناس بسهولة؟
بستحمل كتير.. لكن مش بخسر هم اللي بيخسروا
جرح عقلك بيفكرك بيه؟
في كتير.. لكن اللي بيخليني مرتاحة إني مش أنا السبب في الجرح
عادة بتكرهيها في سلاف؟
التأجيل
سؤال بتخافي من الإجابة عليه؟
مش عارفة
مين واخد عقلك؟
أولادي
لو المجانين حكموا العالم هتكوني مبسوطة؟
هم اللي بيحكموا فعلا
لو قابلتي خيالك في الشارع هتعملي إيه؟
أنا بحبه جدًا.. أحلى حاجة في الإنسان الخيال ومن غيره مش هنقدر نعمل حاجة
ترسمي عقلك إزاي؟
كريستال
علاقتك بأولادك بها مساحة عقل أم جنون؟
الاتنين.. حالة الصداقة بيننا حلوة جدا وتصل حتى الجنان
زارتك فكرة مجنونة من قبل؟
في لحظات ممكن أفكر بجنان لكن أرجع على طول
تعرفي تشتري دماغك؟
جدًا
مين معاه مفتاح عقلك الاحتياطي؟
مفيش
بتشحني بطارية عقلك إزاي؟
بالعائلة
مين يجنن التاني.. الست أم الراجل؟
الراجل
عفويتك وصدقك خسروكي؟
لأ.. بيتعبوني لكن مش بيخسروني
التسرع جزء من تركيبة شخصيتك في القرارات وردود الأفعال؟
لأ مفيش تسرع.. لكن مش كل القرارات كانت صحيحة
قرار إخراجك فيلم «رسائل الكرز» كان عاقل أم مجنون؟
الاتنين.. لأنه التجربة الأولى والبعض اعتقد أنني اتخذت تلك الخطوة بهدف الشهرة والاستعراض ومكنش في إيمان بيّا، لكن كان عندي تمرد وتحدي وبحبه جدا وبحسه من روحي.
تحبي تستلفي عقل مين؟
جولييت بينوش
لون عقلك إيه؟
أبيض
تحبي تمسحي إيه من دماغك؟
ناس كتير اخترتها غلط
تاخدي دواء لمنع التفكير؟
أه
شعار العيد القومي للعقل؟
عيش زي ما أنت عايز تعيش
أعقل شخص موجود في حياتك؟
كان والدي وتعلمت منه الهدوء والاستيعاب
إذا اقتضت الظروف تتعاملي مع شخص عقله صغير.. تعملي إيه؟
بقدر أتصرف مع أي شخص وأقدر اتفاعل معهم
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
أحمد مكي
أوصفي عقلك في جملة؟
بحترم عقلي لكن تعبني جدا
خلاصة حكمتك مع الحياة؟
أهم حاجة إننا نصل لمرحلة لا نثبت نفسنا للآخرين وحينها نكون في قمة العقل والنضج
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار