يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة سمية الخشاب، في الحلقة الـ16 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات سمية الخشاب:
صحيتي من النوم لقيتي عقلك سايب رسالة بيقولك «زهقت منك وهسيبك وإوعى تدور عليّا.. هتعملي إيه»؟
عنده حق وهحاول أصالحه
عقلك عنيد؟
في مرونة وتفاهم وعلاقة ودية بيننا
تعملي إيه لو كنتي الشخصية الوحيدة العاقلة في العالم؟
هحكم العالم وهيكون العالم سعيد
موقف نفسك تتجنني فيه؟
لما أشوف شخص بيتظلم أو أذية حيوانات
رأيك في مثل «عقله في رأسه يعرف خلاصه»؟
حلوة أمثلة زمان
عقلك في رأسك؟
أكيد طول الوقت
قرار اتأجل مدة طويلة؟
مبخدش تفكير طويل في أية قرارات.. بحكم عقلي
إذا اقتضت الظروف تتعاملي مع شخص عقله صغير.. تعملي إيه؟
هتعامل معاه أنه مجنون
تعرفي تكبري دماغك؟
اتعلمت مؤخرًا أعمل كده
تحبي تقرأي عقل مين؟
عقلي
عادة تكرهيها في سمية الخشاب؟
التسرع لكن بدأت مؤخرا أبطل أكون متسرعة
دور كنت خائفة منه لكن عقلك قالك اعمليه؟
ريا وسكينة.. كنت حساه غامق قوي وكنت خائفة منه
هل اتظلمتي عاطفيًا؟
كتير
حاسة إنك محتاجة تبرري كل تصرفاتك؟
أوقات بنعمل كده كلنا
جرأتك عقل أم مشاعر؟
أنا مش جريئة
مين واخد عقلك؟
عائلتي
تحبي تعيشي يوم واحد مع مين من شخصياتك؟
سكينة في «ريا وسكينة»
أعقل شخصية جسدتيها على الشاشة؟
نبيلة في مسلسل «الحقيقة والسراب»
لو المجانين حكموا العالم شيء لطيف أم صعب؟
ياريت عشان نرتاح كلنا
في حد بيقولك إعقلي يا سمية؟
عقلي هو من يحركني
أخبار مواليد عقل برج الميزان؟
يحبوا يعيشوا في عالم كله سلام
التمثيل لازم يكون فيه عقل ولا شوية جنون للإبداع؟
شوية جنون للإبداع
أجن مخرج اشتغلتي معاه؟
خالد يوسف
تحبي تستلفي عقل مين؟
ميريل ستريب لأنها رمز العقل والاستمرارية
لون عقلك إيه؟
أبيض
تحبي تمسحي إيه من عقلك؟
الذكريات الأليمة
بتشحني بطارية عقلك إزاي؟
الخير
إيه هي نقطة ضعفك الحقيقية؟
طيبة قلبي
فكرة بتخافي منها؟
اليأس
لون بتحبيه؟
الأحمر
ما هو الضوء الشارد في حياتك؟
معنديش ضوء شارد
شعار العيد القومي للعقل؟
خليك عاقل أحسنلك.. عشان متدفعش ثمن جنانك
اوصفي عقلك في جملة؟
جميل
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
أصحابي المقربين
خلاصة خبرتك مع الحياة؟
خلينا دائما نفكر بعقلنا حتى نعيش بسلام
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار