يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة ريهام عبد الغفور في الحلقة الـ21 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات ريهام عبد الغفور:
صحيتي من النوم لقيتي عقلك سايب رسالة بيقولك «زهقت منك وهسيبك وإوعي تدوري عليّا.. هتعملي إيه»؟
هفرح لأن أنا مخي تاعبني
مخك تاعبك ليه؟
بفكر طول الوقت
قلبك أم عقلك في اتخاذ القرارات؟
قلبي
من غير عقلك نفسك تعملي إيه؟
أنط من طيارة
إذا اقتضت الظروف تتعاملي مع شخص عقله صغير بتعملي إيه؟
بحاول اتعامل معاه بقدراته
في حد بيقولك إعقلي يا ريهام؟
أنا عاقلة شوية
تحبي تقرأي عقل مين؟
أحب أقرأ عقل زوجي
عادة بتكرهيها في ريهام؟
التوتر والخوف المرضي
تقدري تتجاهلي؟
بستطيع تجاهل الكثير من الأمور
بتخسري الناس بسهولة؟
بستحمل كتير قبل قفل الباب
تشيلي إيه من دماغك؟
التوتر
رأيك لو المجانين حكموا العالم؟
المجانين في نعيم فكلنا هنعيش في نعيم
مين واخد عقلك؟
عائلتي وشغلي
لو قابلتي خيالك هتتصرفي إزاي؟
هنكون صحاب
ترسمي عقلك إزاي؟
قلب ونار في نفس الوقت
علاقتك بأولادك.. عقل أم جنون؟
فيها عقل
مين يجنن الآخر.. الست أم الراجل؟
الست
العقل ممكن يكون طيب وشرير؟
ممكن
تحبي تستلفي عقل مين؟
أنجلينا جولي لأنها بتعمل خير بشكل دائم
لون عقلك؟
أبيض
مين معاه مفتاح عقلك الاحتياطي؟
والدي رحمه الله ثم ابني الأكبر
أكثر دور مجنون قدمتيه على الشاشة؟
دوري في مسلسل «الغرفة 207»
أكثر مخرج مبدع اشتغلتي معاه؟
محمد شاكر ومريم أبو عوف وهاني خليفة
مين أعقل شخص موجود في حياتك؟
ابني الأكبر
مشهد قلتي بعده أنا مجنونة رسمي؟
مبيحصلش
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
منى زكي
خلاصة حكمتك مع الحياة؟
ربنا يجعلنا من الكاظمين الغيظ والعافين عن الناس
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار