يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة دنيا عبدالعزيز في الحلقة الـ24 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات دنيا عبدالعزيز:
صحيتي من النوم لقيتي عقلك سايب رسالة بيقولك «زهقت منك وهسيبك وإوعى تدور عليّا.. هتعملي إيه»؟
هتبسط جدًا لأني تعبت منه
لو فتحنا الصندوق الأسود داخل دماغك.. أول صدمة هنكتشفها؟
إني موجوعة طول الوقت
رأيك في مثل «عقله في رأسه يعرف خلاصه»؟
أحترمه جدًا لكن معرفش أعمله
عقلك في رأسك؟
لأ
قرار في حياتك فخورة باستخدام عقلك قبل قلبك؟
الانسحاب من حياة أشخاص مكنش ينفع أكمل معاهم
مين واخد عقلك؟
والدتي رحمها الله
لو قابلتي خيالك هتعملي إيه؟
هعمل نفسي مش عارفاه
ممكن عقلك يتخيل حاجات مش موجودة؟
أه ممكن يتخيل حاجات غير طبيعية
في فكرة مجنونة قررتي تنفذيها دون تفكير؟
لأ
في حد بيقولك اعقلي يا دنيا؟
زوجي
مين أعقل.. أنت أم زوجك؟
أنا
مين بيجنن التاني.. الست أم الراجل؟
الاتنين يجننوا بعض
إذا اقتضت الظروف تتعاملي مع شخص عقله صغير.. تعملي إيه؟
باخده على قد عقله
أخبار مواليد برج العقرب؟
كبير ويوزن بلد
أكثر عمل فني به مساحة جنون بالنسبة لك؟
دوري مسلسل «الأسطورة»
لون عقلك إيه؟
رمادي
تحبي تستلفي عقل مين؟
منى زكي لأني بحب اختياراتها وتطورها الفني
تمسحي إيه من دماغك؟
أي وجع مريت به
سؤال جاوبتيه غلط في امتحان الحياة؟
حاجات لها علاقة بشغلي واختيارات معينة
بتشحني بطارية عقلك إزاي؟
بالرياضة والموسيقى
بتفضي عقلك إزاي؟
أتفرج على مسلسل كوميدي
أجن عاقلة أم أعقل مجنونة؟
أعقل مجنونة
مين أكثر مخرج مجنون اشتغلي معاه؟
محمد سامي
لو جالك دور مجنونة تعمليه؟
طبعًا
شعار العيد القومي للعقل؟
أنا أفكر إذا أنا موجود
مين معاه مفتاح مخك الاحتياطي؟
عمرو محمود ياسين
أعقل شخصية قدمتيها في عمل فني؟
شخصيتي في مسلسل «ظل الرئيس»
اوصفي عقلك في جملة؟
عقل حَبوب
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
أحمد حلمي
خلاصة حكمتك مع الحياة؟
لا تتسرعوا في أحكامكم، ولازم نتأكد من أي كلام نسمعه لأن التسرع بيؤدي لمشاكل في أوقات كثيرة.
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار