يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنانة جنات، في الحلقة الـ17 من البرنامج، حيث وافقت على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات جنات:
صحيتي من النوم لقيتي عقلك سايب رسالة بيقولك «زهقت منك وهسيبك وإوعي تدوري عليّا.. هتعملي إيه»؟
مش هدور عليه.. القلب كفاية
أول حاجة نفسك تعمليها من غير عقلك؟
حاجات كتير.. منها الهروب من المسؤولية
ممكن عقلك يشكك في قرارات قلبك؟
كتير طبعًا
عقلك مرتب أم فوضوي؟
فوضوي
إذا اقتضت الظروف تتعاملي مع شخص عقله صغير.. تعملي إيه؟
هخده على قد عقله
رأيك في مثل «عقله في رأسه يعرف خلاصه»؟
حقيقي
ممكن تشتري دماغك؟
كتير.. مع الوقت
تثقي في عقلك دائمًا؟
ساعات وساعات
لو فجأة لقيتي نفسك الإنسانة الوحيدة العاقلة تعملي إيه؟
هفرح وأقلب مجنونة
عقلك الصبح غير بالليل؟
أكيد
لو عقلك كتب مذكراته.. عنوانها يكون إيه؟
الواقع والخيال
في قرارات لازم نخبيها عن العقل؟
أحيانًا.. ممكن نلغي عقلنا عشان حاجة بنحبها
ممكن نفسك تتجنني فيه؟
شغلي
لو عقلك لوحة ألوانها تكون إيه؟
ألوان صاخبة
عقلك ممكن يكذب عشان يحميكي من موقف معين؟
أه
عندك أغنية تعتبريها مرآة تشوفي بيها عقلك؟
أه.. «البادي أظلم»
امتى تقولي لعقلك صبري طال؟
لما تتكرر الأخطاء
امتى تقولي لعقلك متتكلمش؟
لما بتعصب من بناتي
أكثر فكرة مجنونة نفذتيها في فيديو كليب؟
في أغنية «افهمني حبيبي»
في أغنية اختارتك مش انتي اللي اختارتيها؟
حبيبي على نياته
عادة بتكرهيها في جنات؟
الصبر
مين واخد عقلك؟
أفكاري
في فكرة بتخافي منها؟
في أفكار بتيجي مع ضغوط الحياة لكن بعرف أنها هتعدي
تحبي تستلفي عقل مين؟
سيلين ديون لأني أحب إصرارها واستمرارها.. بجانب بيونسيه
تاخدي دواء يمنع التفكير؟
لأ
تحبي تمسحي إيه من دماغك؟
الماضي
لو في نسخة تانية من جنات هتعملي إيه؟
هصاحبها
مين أعقل شخصي موجود عند جنات؟
أنا
أخبار عقل برج الجدي؟
عاطفي
اوصفي عقلك في جملة؟
عين العقل
لو تعملي دويتو مع آلة موسيقية؟
الناي
مين عقله أكبر أنت أم زوجك؟
أنا
مين يقدر يجنن التاني.. الراجل أم الست؟
الراجل أكيد
تم حجزك في مستشفى مجانين «نجوم إف إم».. مين تحبي يكون في الغرفة اللي جنبك؟
أصالة لأني بحب أفكارها وكلامها
خلاصة خبرتك مع الحياة؟
لا تتسرع في اختياراتك
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار