يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الدكتور أشرف زكي نقيب المهن التمثيلية، في الحلقة الـ20 من البرنامج، حيث وافق على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات الدكتور أشرف زكي:
صحيت من النوم لقيت عقلك سايب رسالة بيقولك «زهقت منك وهسيبك وإوعى تدور عليّا.. هتعمل إيه»؟
يالا مع السلامة.. هشتغل بقلبي
العقل منفذ؟
لأ العقل مفكر
رأيك في مثل «عقله في رأسه يعرف خلاصه»؟
موافق جدا
عقلك في رأسك؟
أه
تحب تقرأ عقل مين؟
عقل بناتي
ملف تحب تقفله؟
معنديش ملفات محتاجة تتقفل ولم أندم على شيء عملته في حياتي
فكرة مجنونة كنت عايز تنفذها؟
أنا حريص جدا وبتعامل بهذا المنطلق
تعمل إيه لو كنت الإنسان الوحيد العاقل في العالم؟
هكون أنا المجنون وكلهم عقلاء
عادة لا تحبها في أشرف زكي؟
بصدق بسرعة وطيب
سؤال جاوبته غلط في امتحان الحياة؟
إني اتعاملت مع أشخاص ولم يكونوا أهلا للثقة.. فيجب أن تكون حذرا من الآخر
ترسم عقلك إزاي؟
قلب
فكرة تسيطر على عقلك لفترة؟
النجاح
كلمة تطمئن عقلك؟
الآية الكريمة: «إِنَّ اللَّهَ يُدَافِعُ عَنِ الَّذِينَ آمَنُوا»
شخصية جسدتها.. عقلك رفضها لكن عقلك حبها؟
في دور لكن متعملش
في حد بيقولك إعقل؟
مراتي روجينا
أخبار مواليد برج الجدي؟
عظماء
بتشوف تجربة الإخراج لابنتك مايا لأول مرة مع والدتها روجينا في رمضان 2026 إزاي؟
بشوف التجربة بقلبي وبعقلي.. فثقتي فيها كبيرة لأنها ساعدت كبار المخرجين مثل رامي إمام وتعلمت من مدارس كثيرة
مين يجنن التاني.. الرجل أم الست؟
الست
أكثر حاجة توجع عقلك في شغلك بالنقابة؟
الارتباط بقوانين ولوائح مع زملائك، فقد يكون الزميل أستاذك أو دفعتك أو تلميذك
عقلك خد قرار الابتعاد عن المنصب لكن حب الفنانين رجعك تاني للعدول عن القرار؟
العقل سلم للأمر الواقع
حاجة مجنونة تحب تعملها؟
أقفل التليفون لمدة أسبوع وأسافر
تحب تمسح إيه من دماغك؟
أي حاجة وحشة
هل ترغب في ممارسة مهنة الإخراج الدرامي أو السينمائي؟
لأ مش بتاعتي
لو في نسخة أخرى منك هتعمل إيه؟
هقوله أنت صعبان عليّا
مين بياخد عقلك طول الوقت؟
بناتي
تاخد دواء يمنع التفكير؟
لأ
شعار العيد القومي للعقل؟
أين عقلي
تحب تعيد يوم إيه من حياتك؟
يوم قابلت روجينا واتعرفت عليها
إذا اقتضت الظروف تتعامل مع شخص عقله صغير.. تتصرف إزاي؟
بتعامل معاه بعقله الصغير
اوصف عقلك في جملة؟
صعبان عليّا
مين معاه مفتاح مخك الاحتياطي؟
روجينا
تم حجزك في مستشفى مجانين «نجوم إف إم».. مين تحب يكون في الغرفة اللي جنبك؟
علاء مرسي
خلاصة حكمتك مع الحياة؟
«والعافين عن الناس»
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار