يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.
واستضاف مصطفى ياسين، الفنان أحمد وفيق، في الحلقة الـ15 من البرنامج، حيث وافق على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات أحمد وفيق:
صحيت من النوم لقيت عقلك سايب رسالة بيقولك «زهقت منك وهسيبك وإوعى تدور عليّا.. هتعمل إيه»؟
هقوله عندك حق وحقك عليا
العقل منقذ؟
العقل أساس حياتنا
رأيك في مثل «عقله في رأسه يعرف خلاصه»؟
أكيد
تحب تقرأ عقل مين؟
الفيلسوف هيجل
اعترف بفكرة مجنونة؟
سبت التمثيل فجأة وأنا بطل ورجعت للفن تاني بعد سنوات
تعمل إيه لو كنت الشخصية الوحيدة العاقلة في العالم؟
هحاول أكون زيهم
موقف نفسك تتجنن فيه؟
الحب
عادة لا تحبها في أحمد؟
مقصر في حق نفسي
هتعمل إيه لو قابلت خيالك؟
هحاول مدوسش عليه
كلمة ممكن تطمن عقلك؟
الشعور بالرضا
دور عقلك رفضه لكن قلبك كان حابب الدور؟
يوجد فعلا.. لكن لن أذكره
في حد بيقولك اعقل يا أحمد؟
أنا
أخبار عقل مواليد برج الجدي؟
أصعب حاجة في الدنيا
عقل الراجل يغلب عقل الست؟
أي حد ممكن يغلب حسب الظروف
أكثر شخصية مجنونة جسدتها على الشاشة؟
في «تحت السيطرة» وفي «سقوط حر»
تحب تعيش يوم مع شخصية فنية قدمتها؟
أه.. جمال في «بنتين من مصر» لأنه يشبهني بشكل كبير
تحب تستلف عقل مين؟
عقل محمد صلاح
لو عملت فيلم عن دماغك تسميه إيه؟
الشقلباظ
مين أكثر مخرج مجنون اشتغلت معاه؟
تامر محسن
أعقل شخصية جسدتها على الشاشة؟
دوري في مسلسل «ولاد ناس»
ممكن تمارس تجربة الإخراج؟
عادي وفي بدايتي مع التمثيل أخرجت في المسرح
مين أعقل.. أنت أم شخصية حمادة كلينتون اللي اخترعتها على السوشيا ميديا؟
حمادة كلينتون هو جانب آخر من شخصيتي
تاخد دواء يمنع التفكير؟
أكيد
بتشحن بطارية عقلك إزاي؟
السكوت
إذا اقتضت الظروف تتعامل مع شخص عقله صغير.. تعمل إيه؟
هشغل آلة الصبر
مين معاه مفتاح مخك الاحتياطي؟
مفيش
شعار العيد القومي للعقل؟
كبرها
أعقل مجنون أم أجن عاقل؟
حاليا أعقل مجنون
تم حجزك في مستشفى مجانين «نجوم إف إم».. مين تحب يكون في الغرفة اللي جنبك؟
باسم سمرة
خلاصة حكمتك مع الحياة؟
متركزش في التفاصيل إلا فيما يخصك فقط
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
مواضيع ممكن تعجبك
أحدث الأخبار