استعادت الفنانة هنا شيحة ذكريات فيلمها الشهير «حب البنات»، في مداخلة هاتفية، الخميس، لبرنامج «أسرار النجوم» مع إنجي علي، على «نجوم إف.إم»، بمناسبة اقتراب الاحتفال بـ عيد الحب.
وقالت الفنانة هنا شيحة عن شخصيتها في الفيلم: «شخصية رقية فيها مني جزء عدم الالتزام والحرية في طريقة حبها وفي اختياراتها، معندهاش قيود وأنا فيا الحتة دي، أنا ما أقدرش حد يكتفني ولو حسيت بحد بيكتفني باهرب».
وأضافت: «الحب هو أساس كل حاجة في الدنيا، وما نقدرش نعيش من غير حب، وهو بالنسبة لي أشكال مختلفة وبقيت دلوقت بحب الحب العام مش العلاقات الخاصة، وأنا مؤمنة بالحب جدًا لكننا كجيل اتربينا على الحب بشكل مختلف عن الحقيقة فاتصدمنا في الحقيقة، والسينما والروايات عززوا للشكل ده مع قصص حب أهلنا كمان».
وأوضحت الفنانة هنا شيحة: «كل واحد في الدنيا عنده لغة الحب بتاعته، ولو اتنين ما اتوافقوش في لغة الحب بينهم هتفشل علاقتهم، ولازم يبقى عندك طاقة لتحمل الاختلاف في العلاقة».
واسترجعت ذكريات أول قصة حب في حياتها، وقالت: «أول مرة حبيت فعلًا كنت في المدرسة في المرحلة الثانوية وحبيت ولد إنجليزي في الإسكندرية كان اسمه إدوارد وكان حب أفلاطوني، وأهداني كتاب ولسه محتفظة بيه، وأنا كان عندي وقتها 16 سنة وهو كان 22 سنة، وبعدين سافر وفضلنا نتكلم لمدة سنتين وبعدين ما شوفتوش تاني»
وعن جديدها قالت إنها تحضر لمسلسل جديد بعد موسم رمضان مع المرج محمد طاهر ووصفته بأنه سيكون مفاجأة، مضيفة أنها تحرص على متابعة الأعمال الفنية الخاصة بأصدقائها من النجوم في رمضان 2026 مثل: «اتنين غيرنا – صحاب الأرض – مناعة».
*صورة من الحساب الرسمي للفنانة هنا شيحة على فيسبوك
مواضيع ممكن تعجبك
أحدث الأخبار
