يقدم برنامج «عين العقل»، الذي يقدمه مصطفى ياسين ويذاع على «نجوم إف إم»، تجربة مختلفة لصنع محتوى يمزج بين الكوميديا والجدية، من خلال أسئلة جادة وتخيلية وغير منطقية، بعد موافقة الضيف على التنازل عن عقله طوال مدة الحلقة، لتأتي الإجابات عفوية وسريعة.العثور على الكتب الأكثر مبيعًا
واستضاف مصطفى ياسين، الفنان أحمد العوضي في خامس حلقات البرنامج، حيث وافق على إقرار نصه: «أوافق على أن أتنازل عن عقلي طول مدة البرنامج.. ولا يحق لي المطالبة به للإجابة على أي سؤال.. وهذا إقرار مني بذلك».. وكانت هذه إجابات أحمد العوضي:
صحيت من النوم لقيت عقلك سايب رسالة بيقولك «زهقت منك وهسيبك وإوعى تدور عليّا.. هتعمل إيه»؟
هجري وراه لأني بحب عقلي
مين اللي تعب التاني.. أنت أم عقلك؟
أنا
نضج العقل يُقلل الجرأة؟
النضج يقلل الجرأة.. لأن الجرأة بها نوع من التهور
من غير عقلك.. نفسك تعمل إيه؟
أي شخص يضايقني هتخانق معاه
أنت مع مثل «عقلك في رأسك تعرف خلاصك»؟
طبعًا.. لأن عقلي في رأسي
إذا كنت خبير في قراءة العقول.. تحب تقرأ عقل مين؟
أي شخص يهمني
أول ملف تحب عقلك يقفله؟
معنديش ملفات
في قرارات فنية خدتها بعقلك وندمت؟
عمري ما خدت قرار وندمت عليه خاصة في الشغل
لو فجأة لقيت نفسك الإنسان الوحيد العاقل وسط مجموعة مجانين؟
هحب أتجنن زيهم
أنت عصبي؟
جدًا ومن السهل استفزازي
امتى تستخدم زر التجاهل؟
طول الوقت
ممكن عقلك يغلف كلامك حتى لا تجرح أحد؟
طول الوقت
سؤال محير عقلك؟
الاختيار بين حاجتين
لو فيلم عن نفسك.. تختار نهاية مفتوحة أم منطقية أم تثير الجدل؟
تثير الجدل
أكثر كلمة تطمئن عقلك؟
مبروك أنت نجحت
دور أو شخصية عقلك رفضه لكن قلبك حبه.. تقدمه؟
لأ.. العقل أهم من القلب
مين بيقولك اعقل يا أحمد؟
والدي
فيك إيه من عقله؟
مخدتش حاجة من عقله
أخبار عقل مواليد برج القوس؟
عندهم جزء جنان
شخصية تحب تقضي معاها يوم؟
عرب السويركي في «حق عرب» أكثر شخصية فنية بحبها
حاجة مجنونة بتحب تعملها؟
بنزل أتمشي بالعربية بلا هدف
تستلف عقل مين؟
الأستاذ عادل إمام والأستاذ نور الشريف لأنهما أقوى قامتين في الفن
عنوان مذكراتك إيه؟
الطموح الجامح
مين واخد عقلك؟
شغلي
لو اكتشفت في نسخة تانية منك هتعمل إيه؟
هحبه
لو في فرصة ريستارت ليوم واحد في حياتك هيكون إيه؟
مش هينفع أقول
عيد قومي للعقل.. شعاره إيه؟
العقل زينة
تاخد دواء يخليك متفكرش؟
لأ
تختار شخصية الحكيم أم الكوميديان أم الجريء؟
الجريء
هل الجرأة خسرتك؟
عمرها ما خسرتني
إذا اقتضت الظروف تتعامل مع شخص عقله صغير.. بتعمل إيه؟
هاخده على قد عقله.
أوصف عقلك في جملة؟
جريء
مين شخص عنده مفتاح مخك الاحتياطي؟
صديقي «حلواني»
أعقل مجنون أم أجن عاقل؟
أجن عاقل
إذا اضطرينا نحجزك في مستشفى مجانين «نجوم إف إم».. مين تحب يكون في الغرفة اللي جنبك؟
عصام السقا ويارا السكري
نصيحة حياتية؟
لا تتجاهل عقلك لحظة.. فالعقل دائما هو الصح لكن القلب خداع.
يُذاع برنامج «عين العقل» يوميًا على «نجوم إف إم» من الساعة 4:15 حتى 4:25 مساءً.
الصورة الرئيسية: الصفحة الرسمية لأحمد العوضي عبر فيس بوك
مواضيع ممكن تعجبك
أحدث الأخبار