استضافت جيهان عبد الله، The Global Icon النجم محمد رمضان، اليوم الخميس، في الجزء الثاني من لقائه في برنامج «أجمد 7» عبر «نجوم إف.إم».
وقال النجم محمد رمضان إنه يريد أن يذكره التاريخ الفني بعد سنوات أنه «أول واحد يقدر يعمل كوبري Bridge بين مصر والعالم».
وأضاف: «أستاذ عمر الشريف وهو أول فنان عربي عمل ده وأي نقطة نجاح بلمسها وهلمسها فالفضل لربنا ثم أستاذ عمر الشريف أبويا الروحي وصاحب فضل عليا وأول من تنبأ لي وأول من شاور لي على بره من زمان، واستفدت منه لأنه هو كان نفسه يكون عايش في مصر لكن يكون عالمي، وعلشان يكون عالمي اضطر يتغرب ويعيش بره فأنا بدأت من حيث انتهى أستاذي، وإني أكون عايش في مصر ومتغربش، ولكن لو هرشت العالم يعرف، زي ما هم برده لما بيعملوا أي حاجة إحنا بنعرف».
كما تحدث عن أغنيته «بتحلوي» وظروف إنتاجها، وقال: «الملحن إيهاب عبد الواحد سمع لي اللحن على إنه أغنية للأم، وسجلناها دندنة وسمعتها فلقيتها جميلة لكن ما حستهاش وللحظة حسيتها لمصر مش للأم، وأنا بسمعها تاني لمصر عيطت، فكلمته تاني وغنيناها لمصر علشان كده بحبها جدا، لكن أنا محتاج أعمل أغنية وطنية فيها طاقة زي (قلنا هنبني وآدي إحنا بنينا السد العالي)».
كما وجه رسالة لجمهوره في نهاية اللقاء ونهاية عام 2025، وقال «ربنا يخليكم ليا ويارب أكون عند حسن ظنكم وأنتم مصدر طاقتي بعد ربنا وشغال علشانكم وعمري ما نسيتكم أنتم ممكن يكون عندكم حاجات كتير علشانكم، لكن أنا شغلي الشاغل هو الجمهور».
مواضيع ممكن تعجبك
أحدث الأخبار
