حرص الفنان عمرو يوسف على دعم نجم الكرة المصرية والإنجليزية محمد صلاح، من خلال مداخلة هاتفية عبر برنامج «اتفقنا» مع مريم أمين على «نجوم إف.إم».
وقال الفنان عمرو يوسف: «أنا بدعم شخص مصري ناجح نجاح استثنائي ووصل لأماكن كبيرة وهو كان إنسان بسيط من قرية صغيرة وصل لأعلى المراكز وبقى مشهور عالميًا والواحد دلوقت بيسافر بلاد كتير مفيش حد ما يعرفش محمد صلاح وهو اللي خلاني بقيت أهتم بالكرة وأتابعها وناس كتير زيي من اللي ما كانوش بيتابعوا الكرة كتير».
وأكد عمرو يوسف: «أنا متأكد إن أي عثرات بتحصل لصلاح يعرف بقوم منها ويبقى أقوى وهو يعني شخص أثبت خلال الفترة اللي فاتت أد أيه هو بيعرف يفكر وحكيم بالرغم من سنه وشخص محبوب من كل اللي حواليه سواء في المنتخب أو ليفربول».
وأضاف: «أنا مقدرش أشوف ابن بلدي في عثرة زي دي وأهجم عليه، عيب ما يصحش، ده أنا أدعمه لحد ما يبقى أحسن من الأول».
وأشار الفنان عمرو يوسف إلى أن: «بعض الأمور اللي بتحصل على السوشيال ميديا ساعات ما بتبقاش الحقيقة وده فيما يخص الهجوم اللي بنشوفه عالسوشيال ميديا على صلاح، وإحنا ما نختلفش إن لو صلاح نزل الشارع في أي مكان في مصر الناس هتلتف حواليه ودي الحقيقة».
*صورة من الصفحة الرسمية للفنان عمرو يوسف على فيسبوك
مواضيع ممكن تعجبك
أحدث الأخبار