استضافت جيهان عبد الله، The Global Icon النجم محمد رمضان، اليوم الخميس، في الجزء الثاني من لقائه في برنامج «أجمد 7» عبر «نجوم إف.إم».
وكشف النجم محمد رمضان بعض ملامح فيلمه الجديد «أسد» الذي صدر الإعلان التشويقي الرسمي له، وقال: «فيلم أسد فخور بيه جدا وكان منظومة متكاملة من مخرج عالمي زي محمد دياب أول مخرج مصري تنتج له مارفل، ومدير تصوير عظيم أحمد بشاري، وكاست جبار من ماجد الكدواني ورزان جمال وأحمد داش وعلي قاسم».
وأضاف: «الفكرة في الفيلم إن أنا بعد جعفر العمدة أخدت قرار إني عاوز أهتم بالسينما وأهتم بالخطوات الغنائية خارج المنطقة العربي وده محتاج وقت ومجهود وطاقة، علشان أعمل فيلم أبني عليه مستقبلي السينمائي كله، فاتفقت مع نجم الدراما وقلت أنت بنيت برج عظيم لكن فيه برجين محتاجين أهتم بيهم برده، فقلت هوقف الدراما 3 سنين بحيث البرجين التانيين يبقوا نفس المستوى، وقلت أنا ممكن في السينما أعمل فيلم واحد بـ100 فيلم، والمرجع بالنسبة لي فيلم زي Godfather، فقلت عاوز أعمل فيلم واحد يكفي ويخلص الكلام، وإن شاء الله يكون أسد».
وأوضح: «فيلم أسد بيدور في زمن تاني لكن المخرج محمد دياب عامل فيه كل حاجة تجاري وفني ورومانسي وأكشن وفيه كل حاجة، وبيتكلم عن بطل أسمر البشرة في وقت العنصرية بيحب بنت بيضاء البشرة والظروف كلها بتكون ضدهم وإزاي بيكون هو في النهاية سبب في إلغاء العبودية».
مواضيع ممكن تعجبك
أحدث الأخبار
