استضاف يوسف التهامي وفانا إمام في حلقة اليوم من برنامج «عيش صباحك» على «نجوم إف.إم» الفنانة آية سليم، والتي تحدثت عن أحدث أعمالها الفنية.
ورد وشوكولاتة
وتحدثت الفنانة آية سليم عن مشاركتها كضيفة شرف على مسلسل «ورد وشوكولاتة» مع الفنان محمد فراج، وقالت: «ممكن ممثل يطلع 30 حلقة محدش يحس بيه لكن ممكن دور ضيف شرف يفرق، وأنا لقيت كل الناس بتكلمني على مشاهدي في ورد وشوكولاتة رغم إنه دور شرف واللي شدني للمشاركة إن الدور محوري لأنه الشخصية هي اللي عارفة كل حاجة عن البطل، وحاجة كمان شجعتني هو التمثيل مع فراج وهو ممثل خطير، وبالنسبة لي كل حاجة كانت حلوة وكنت عاوزة أعمل شخصية مختلفة عن السلم والتعبان وخصوصا إنهم في نفس الوقت».
سفاح التجمع
كما تطرقت لمشاركتها في فيلم «سفاح التجمع» المنتظر عرضه خلال الفترة المقبلة، قالت: «فكرة إننا بنعمل قصة حد لسه موجود عامل لي قلق شوية ومخوفاني ومحمساني في نفس الوقت، وأنا بعمل دور واحدة من الضحايا، وإن شاء الله يطلع حلو، وأنا خلصت تصوير دوري، والمفروض إنه هينزل خلاص الفترة دي».
وعن مشاريعها الجديدة واستعداداتها للموسم الرمضاني، قالت: «فيه كام حاجة بقراها لرمضان لكن لسه مفيش حاجة أكيدة وأنا بقالي 3 سنين مش موجودة في رمضان من وقت مسلسل (ونحب تاني ليه)، لكن دلوقت المنصات والمسلسلات خارج الموسم الرمضاني بقت كتير فبقى الموضوع أسهل وطول السنة».
مواضيع ممكن تعجبك
أحدث الأخبار
