«المواطن المتفائل»| محمود عبد المجيد: «المشاهدات الكبيرة لمحتوى على السوشيال ميديا لا تعني صحته»

تحدث محمود عبد المجيد في حلقة اليوم الخميس من برنامجه «المواطن المتفائل» على «نجوم إف.إم» عن تداول المعلومات في عصر السوشيال ميديا.

وأوضح «عبد المجيد»: «في زمن السوشيال ميديا أصبحت المعلومات يتم تداولها في مقطع فيديو قصير لثوانٍ أو دقيقة واحدة ويشعر المتلقي بثقة في المحتوى لدرجة أنه لا يبحث عن المعلومة التي تم تداولها في هذا المقطع أو مجموعة المقاطع التي شاهدها على عكس عملية الحصول على المعلومة سابقًا قبل الإنترنت والسوشيال ميديا من خلال البحث عن الكتب والمراجع في المكتبة».

وتابع: «الألجوريزم يساعد على انتشار نوعية معينة من المحتوى على مواقع التواصل الاجتماعي فبالتالي المشاهدات المليونية لمحتوى معين لا تعني بالضرورة أنه صحيح تمامًا».

وأشار إلى كتاب «فكّر مجددًا» للكاتب آدم جرانت، وأوضح: «الكتاب بيقول إنه مش لازم كل معلومة عندك تقولها ومش كل حاجة عارفها هي صح، وبيقول إن الناس اللي عندها رجاحة عقل دايما بيفكروا في المعلومات اللي عندهم مش بس اللي بيسمعوها، وبيعرفوا يشوفوا هي المعلومات دي صح ولا غلط وبيدوروا ورا حقيقتها».

وأكد محمود عبد المجيد: «أكتر حاجة خطر في الموضوع ده هو الثقة الزيادة في المعلومة، لأنه إيه المانع إننا نحط هامش للغلط في المعلومة اللي عندك، ولو عرفت معلومة وطلعت مش صح بنسبة 100% حاول تصححها عند الناس اللي سمعوها منك».