تحدث محمود عبد المجيد في حلقة اليوم من برنامج «المواطن المتفائل» على «نجوم إف.إم» حول مقولة «غلطة الشاطر بألف».
وقال محمود عبد المجيد: «ليه البني آدم الشاطر ما ينفعش يغلط، بحس إن ده بيربي عندنا إحساس بالخوف من الحاجات والتجارب الجديدة»، مضيفًا: «إحنا بنحط ضغط على الشخص الشاطر إنه ما ينفعش يغلط».
وتابع: «الشاطر فعلا عليه مسؤولية كبيرة فالناس بتركز معاه لكن في النهاية هو إنسان ومفيش إنسان ما بيغلطش، فيه خط رفيع بين معاملة الشخص إنه مسؤول لازم ياخد باله، وما بين الظلم والضغط المجتمعي عليه، وكل إنسان من حقه يجرب ويغلط، وكل الناس الناجحين في التاريخ عملوا حاجات كتير غلطوا فيها قبل ما ينجحوا».
وأشار إلى أن: «الغلط مش نهاية الطريق، لكنه ممكن يبقى هو البداية، وخلينا نتفق إن فيه حاجات ومهن الغلطة فيها مش متاحة، لكن لازم نفرق بين الغلط خلال التجربة والتقصير في الشغل».
مواضيع ممكن تعجبك
أحدث الأخبار