استضاف يوسف التهامي وفانا إمام في حلقة اليوم من «عيش صباحك» على «نجوم إف.إم» الفنانة مروة الأزلي للحديث عن أحدث أعمالها الفنية.
وقالت مروة الأزلي: «أنا دحيحة في التمثيل واللوكيشن وببقى براقب النجوم اللي معايا في العمل وعاوزة أعرف بيعملوا إيه واتعلمت من ناس كتير واتعلمت كتير من الفنان عادل إمام في فرقة ناجي عطا الله وأنا كنت صغيرة وهو كان بيفكني لأني كنت قلقانة ومتنشنة واتعلمت منه إني أفك مع الناس بره الكاميرا علشان قدامها ما أكونش قلقانة، واتعلمت من أستاذ باسل خياط في حرب أهلية واتعلمت منه جدا وهو نجم كبير وفنان موهوب جدا»ز
وعن المعايير التي تجعلها توافق على تقديم عمل ما قالت: «أول حاجة جودة العمل والورق والمخرج وعناصر العمل وحبي للدور».
وأكدت مروة أنها ما زالت تعمل بتخصصها الأساسي في الصيدلة: «ما سبتش الصيدلة لكن لحد دلوقت بعمل فيها وعندي صيدليتي ودخلت مجال التمثيل من الإعلانات والكليبات من مرحلة الدراسة».
وأشارت إلى: «نفسي أشتغل في عمل تاريخي ودي حاجة ما عملتهاش قبل كده وأنا بحب أتفرج على الأعمال التاريخية».
وأوضحت أن الأمر الذي تريد تغييره في الوسط الفني هو «الواسطة» قائلة: «نفسي اللي يتغير في الوسط الفني وفي مجالات تانية كتير هي الواسطة وإن الناس تدخل قرايبها وأصحابها أكتر من إنهم يشوفوا مين الأفضل للمكان ده».
كما أضافت أنها تتمنى تقديم قضية التحرش بالفتيات بشكر أكبر في الدراما: «التحرش بالبنات والسيدات في الشارع أو العمل قضية مهمة جدا ولها تأثير وضغوطات كبيرة جدا على البنات في المجتمع».
مواضيع ممكن تعجبك
أحدث الأخبار
