تستمع الآن

«أسرار النجوم»| أسماء أبو اليزيد: «مملكة الحرير» حدوتة فانتازية.. والأزمنة المختلفة بتشغّل خيالي

الخميس - ٢٦ يونيو ٢٠٢٥

استضافت إنجي علي في حلقة اليوم من «أسرار النجوم» على «نجوم إف.إم»، الفنانة أسماء أبو اليزيد للحديث عن أحدث أعمالها الفنية.

وتحدثت أسماء أبو اليزيد عن المسلسل المرتقب لها وهو «مملكة الحرير» مع الفنان كريم محمود عبد العزيز والمنتظر عرضه يوم 29 يونيو، وقالت: «هو حدوتة فانتازية شيقة وشخصية مختلفة وأنا متحمسة لها ويا رب تعجب الناس وأنا بحب التجارب المختلفة لأنها ممتعة ومليانة حاجات أنتي بتتخيليها مالهاش مرجع محدد، وأنا بقدم فيه شخصية الأميرة جليلة».

وتابعت: «الحقب الزمنية المختلفة بتشغل خيالي وأنا مش هقدر أعيش التجربة دي غير دلوقت باللبس والديكور والتفاصيل كأنه عالم خيالي، وأكتر حقبة حبيتها كانت في مسلسل ليالي أوجيني».

كما تحدثت عن مسلسل «النص» في رمضان الماضي: «الشغل مع أستاذ أحمد أمين والأستاذ حسام علي المخرج خطير، وأحمد أمين دايما بيشجعني وبيحاول يساعدني في الكواليس بلذاذة».

وتطرقت للحديث عن حياتها الشخصية وقالت: «زوجي مدرب رياضي وهو نفسه إني أتدرب كل يوم، وهو له طريقة أكل معينة فباكل معاه أكل صحي طبعا لكن لما بيبقى نفسي في حاجة غير صحية أوي بعملها، وأكتر أكلة هو بيحب ياكلها من إيدي هي الكبدة، وهو ساعدني إني أرتب أولوياتي وإني أفهم نفسي صح وبيسمعني كويس جدا، وهو بيحب فيلم الممر كأكتر عمل  مفضل ليه من أعمالي».

وقالت أسماء: «أنا مش فعالة على السوشيال ميديا لكن بشارك الحاجات اللي بحب أشاركها مع الجمهور».

كما تمنت العمل مع المخرج مروان حامد، وكذلك العمل مع الفنان كريم عبد العزيز.


الكلمات المتعلقة‎