حرص عدد كبير من نجوم الفن على تهنئة الزعيم عادل إمام بعيد ميلاده الـ85 الذي احتفل به أمس السبت في حفل خاص بمنزله بحضور الأهل والأصدقاء.
وكتب عدد من نجوم الفن المصري تهانيهم عبر صفحات وسائل التواصل الاجتماعي، كان أبرزهم الفنانة يسرا التي شاركت صور تجمعها بالزعيم كتبت: «كل سنة وأنت طيب يا زعيم قلبي ..كل سنة وأنت منور الدنيا بوجودك، وبضحكتك اللي ما بتتكررش، وبحب الناس ليك اللي مالهوش حدود .. اشتغلت معاك كتير، وعشت معاك أكتر.. ضحكنا، بكينا، حلمنا، وكبرنا سوا في كل مشهد وكل لحظة.. ربنا يديك الصحة وراحة البال، وتفضل دايمًا الزعيم اللي بنحبه وبنفتخر بيه.. بنحبك أوي».
View this post on Instagram
كما شاركت الفنانة عايدة رياض صورة لها مع الزعيم من فيلم «اللعب مع الكبار»، وكتبت: «زعيمنا الغالي كل سنة وأنت طيب وبخير وربنا يديك طولة العمر و يديك الصحة و السلامة، أنا دخلت التاريخ من بعد اللعب مع الكبار معاك و ساعتها قولتلك يا أستاذ انا عايزة الباسبور.. و الباسبور ده هو اني اشتغل مع حضرتك.. وفعلا فترة و لقيتك بتقولي يا عايدة انتي معايا في الفيلم ده و حقيقي كان من امتع الأفلام لانه كان معاك.. أشكرك كتير على الفرصة الجميلة دي.. وربنا يارب يباركلنا فيك و يحفظك لكل محبينك».
View this post on Instagram
الفنانة رانيا فريد شوقي كتبت أيضًا: «يا زعيم، كل سنة وأنت البسمة اللي طمنت قلوبنا، والصوت اللي حكى حكايات الناس البسيطة بعبقرية، كل سنة وأنت بتكبر في عيوننا، مش بس كفنان، لكن كرمز… زرع الفرح جوه كل بيت. عيد ميلادك مش بس عيد ليك، ده عيد للفن، للناس، للذكريات الحلوة والضحكة اللي من القلب اللي بتهون كتير من مشاكلنا.. كل سنة وأنت بخير، وقلوبنا دايمًا داعية لك بالصحة وطول العمر».
الفنانة إلهام شاهين شاركت صورة تجمعها بالزعيم وكتبت مهنئة بعيد ميلاده: «كل سنة وأنت حبيب الملايين وصدیقي وأستاذي وصاحب فضل عليا، بحبك من كل قلبي وبتمنى لك الصحة والسعادة، وكل الخير، شكرا لأنك أسعدت الملايين فى مصر وفى كل الوطن العربي بفنك الجميل، وأثرت فينا ووضعت البسمة على شفاهنا وحاربت الفكر الإرهابي من خلال فنك، شكرا يا زعيم الفن».
وكان أول المهنئين هما ابنا الزعيم، حيث كتب المخرج رامي إمام: «كل سنة و انت طيب .. كل سنة مننا قريب .. كل سنة و انت وسطينا و في حياتنا … ما أعظم كل هذا الحب»، وكذلك محمد إمام: «كل سنة وأنت الزعيم.. أنجح فنان في التاريخ».
View this post on Instagram
*صورة من الصفحة الرسمية للفنان عادل إمام على فيسبوك
مواضيع ممكن تعجبك
أحدث الأخبار
