استضاف يوسف التهامي وسارة النجار، خلال تغطية برنامج «قبل ما تفطر بكتير» على «نجوم إف.إم» لفعاليات مبادرة «المنفذ»، دينا نور المدير التنفيذي لشركة «فوكس» للتسويق التجريبي ومبادرة «المنفذ».
وقالت دينا نور المدير التنفيذي لمبادرة «المنفذ» إن رمضان الحالي هو النسخة الرابعة للمبادرة التي تعتمد على مشاركة الشركات في العمل الخيري من خلال المبادرة، حيث قالت: «لقينا الشركات كلها عاوزة تعمل خدمات مجتمعية ومش عارفين يروحوا فين أو بيعملوا حاجات صغيرة، فقلنا ليه ما نعملش حاجة كبيرة ونفيد ناس أكتر، فطلعنا بفكرة إننا نعمل Team Building مع تعبئة الكراتين وبنعملها كأنك بتلعب وأنت بتعبي الكراتين من خلال مسابقات ومين هيعبي أسرع وهكذا، وبيساعدنا في تنظيم الألعاب Society Of Play».
وتابعت: «اليوم بيكون فيه شركتين وبيخلص الساعة 4 ونص علشان نلحق الفطار، وتعبئة الكراتين بتكون حسب عدد أفراد الشركة المشاركة وحسب عدد الكراتين اللي مشاركة بيها الشركة، ومؤسستي «بداية» و«عُمّار الأرض» هم شركائنا وهم اللي بينظموا هنوزع فين في كل محافظات مصر».
وأضافت دينا نور المدير التنفيذي لمبادرة «المنفذ»: «جربنا في الأول نفتح باب التطوع للأفراد لكن نص العدد اللي قدم هم اللي جم، علشان كده اعتمدنا على مشاركة الشركات لضمان الالتزام لتغطية عدد الكراتين المطلوبة للحالات».
مواضيع ممكن تعجبك
أحدث الأخبار