استضاف مصطفى ياسين، الفنانة ليلى علوي في رابع حلقات برنامج «فين السؤال» على «نجوم إف إم»، اليوم الثلاثاء.
وأجابت الفنانة ليلى علوي على عدد من الأسئلة التي وجهها مصطفى ياسين، ووجهت رسائل لعدد من الشخصيات الفنية التي قدمتها خلال مسيرتها.. وإلى نص الحوار:
سؤال يُزعج أي امرأة بعيدا عن سنك كام؟
– مفيش أي سؤال ممكن يزعج المرأة طالما كانت سَوية.
سؤال يزعج أي رجل؟
– عندك كام سنة؟
سؤال لا تجدي إجابة عليه؟
– ليه مش بنحب بعض كفاية
ممكن تلومي نفسك؟
– طبعا بلوم نفسي، وبترد عليا وبتقولي إنتي مزوداها أو انتي غلطانة وأوقات تقولي اللي جاي أحلى.
أصعب سؤال في الحب؟
– بتحبني لإمتى؟
أصعب سؤال في الفن؟
– اللي جاي إيه؟
أصعب سؤال في الحياة؟
– راضي ولا مش راضي؟
رشدي أباظة إجابة لـ سؤال.. ما هو؟
– أكتر سوبر ستار بتحبيه؟
مهندسة ديكور.. إجابة سؤال ما هو؟
– كان نفسك تكوني إيه قبل ما تكوني ممثلة؟
75 قرش.. إجابة سؤال؟
– كنت بتقبضي كام وقت ما كنتي بتغني في الإذاعة؟
– تدي نفسك كام من عشرة كـ منتجة؟
– 8 من 10.
الكلام ده مش صحيح.. إجابة لسؤال؟
– انتي بتزعلي كتير؟
مسألة صعبة.. إجابة سؤال هو؟
– عايزة تعملي إيه كمان 5 سنوات؟
شكرت ربنا جدا في اليوم ده؟
– كل يوم بشكر ربنا جدا
أعظم ممثلة في تاريخ السينما؟
– كل فترة لها ممثلتها بدءًا من فاتن حمامة وسعاد حسني وشادية.
الإجابة خالد.. السؤال هيكون؟
– من هو أغلى شخص في حياتك؟، وحرصت على تربيته على المبادئ والمسؤولية والحنية.
نور الشريف في حياة ليلى علوي؟
– نور الشريف هو أستاذي
يوسف شاهين إجابة سؤال ما هو؟
– من هو المخرج العالمي الذي تعاونتي معه؟
أحمد زكي؟
– من ضمن قائمة الممثلين العظماء الذين تعاونت معهم.
هل هناك مشروع للجزء الثاني من فيلم يا دنيا يا غرامي؟
– أتمنى
– وجهي سؤال واحد لعدد من الشخصيات الفنية التي قدمتيها؟
– شاهيناز في فيلم «المستريحة»؟، هقولها ليه مكونتيش بتنصبي غير على اللي كنتي متجوزاهم.
– سلوى في مسلسل «منورة بأهلها»؟، إزاي كنتي شرسة وقاسية كده؟
– حنان في فيلم «ألوان السما السابعة»: كل مهنة وفيها الكويس.
– سعاد في «الشوارع الخلفية»؟: الحب القديم
– ماريا في «بنت من شبرا»: بعشق الشخصية وروايتك وقصة حياتك.
– نعمات في فيلم «بحب السيما»: اتعذبتي كتير وحياتك كانت صعبة.. هل تحررتي من العقد؟
وجهي سؤال لنجمة من نجمات الزمن الجميل؟
– أسأل سعاد حسني إزاي كنتي عبقرية؟
أكثر شيء يُقلق ليلى علوي؟
– كل شيء بيقلقني
أين تجدي السعادة؟
– في منزلي
وتدور فكرة برنامج «فين السؤال» الذي يقدمه مصطفى ياسين، حول نظرية أو قاعدة نفسية تقول إننا من الممكن أن نتعرف على الإنسان من أسئلته لا من إجاباته، ويذاع على إذاعة «نجوم إف إم» يوميًا من الساعة 4:25 حتى 4:35 مساءً.
– الصورة من الصفحة الرسمية للفنانة ليلى علوي عبر انستجرام
مواضيع ممكن تعجبك
أحدث الأخبار