استضاف يوسف التهامي وفانا إمام في حلقة اليوم من «قبل ما تفطر بكتير» على «نجوم إف.إم»، الفنان صالح عبد النبي للحديث عن أحدث أعماله الفنية في الجزء الثالث من مسلسل «كامل العدد» الذي عُرض في النصف الأول من رمضان الحالي.
وعن إمكانية عمل جزء جديد من مسلسل «كامل العدد»، قال صالح عبد النبي: «كامل العدد لو اتعمل منه 10 أجزاء هيفضل حلو لأنه مسلسل عائلي بجد، ولما كنا بنفطر سوا آخر مرة فسألت الكاتبة مفيش جزء رابع؟ فقالت لي إننا تعبنا في الجزء التالت، فأعتقد 90% هيبقى فيه، لأن العيلة بتكبر وكل ما تكبر مشاكلها بتزيد، وهو مسلسل ممكن كل الناس تشوفه لأنه مفيهوش مشاهد أو ألفاظ خارجة».
وأضاف: «السنة دي حسيت إني مختلف علشان دخلت ورش تمثيل أكتر من قبل كده وحسيت إني لما ييجي لي دور كبير لازم أشتغل عليه عكس لما ييجي لي مشهد واحد هعمله وخلاص وده خلاني بحب أتفرج على نفسي أكتر».
وأكد «صالح» أنه يتطلع إلى تقديم أدوار متنوعة بشكل أكبر، موضحًا: «بحب أطلع من شخصية الشاب الجان وإن الناس تشوفني في حتة تانية وحابب أنوع الحاجات اللي بعملها، وأنا بحب دور الشرير لكن ممكن أعمله أقرب لشخصية الجوكر مثلًا لأني بحبه أوي إني أعمل شخصية مركبة كده».
وحكى الفنان صالح عبد النبي مواقف كوميدية قابلته بسبب اختلاف اللهجة في بداية تواجده في مصر، وقال: «في ورشة أستاذ خالد جلال حد أغمى عليه فقالوا هاتوا حاجة مسكرة فعندنا مسكرة يعني مقفولة فكان معايا إزازة مية مقفولة فأدتهاله».
وأكد: «بحاول يبقى كل كلامي بالمصري وأتعلم كلمات جديدة ولو فيه كلمات جديدة بقول لأصحابي يقولولي».
وعن الفنانين الذين يحب أن يتعاون معهم، قال: «أنا بحب جدًا حنان مطاوع وبحب أتفرج عليها وهي بتمثل ونفسي يبقى الإحساس ده في وشي وهي بتعيشني معاها الدور حاجة فوق الخيال».
مواضيع ممكن تعجبك
أحدث الأخبار
