استضاف يوسف التهامي في حلقة اليوم الخميس من «عيش صباحك» على «نجوم إف.إم» الفنان الصاعد عمر شريف للحديث عن أحدث أعماله الفنية.
وتحدث الفنان عمر شريف عن أولى تجاربه التمثيلية من خلال فيلم «برا المنهج» مع الفنان ماجد الكدواني والمخرج عمرو سلامة وقال: «في فيلم برا المنهج عملوا أوديشن بين 400 واحد وفضلنا نقل لحد ما تم اختياري، وأنا اتعلمت خلال الفترة من بداية مشواري لحد دلوقت من ممثلين كبار ومخرجين بيدوني نصايح بتفرق معايا في تمثيلي والواحد طول ما هو بيجرب وبيعمل حاجات جديدة بيكتسب خبرة»، وكشف عن أهم النصائح التي وُجهت له من أكثر من ممثل ومخرج وهي: «أهم نصيحة إني أحاول في التمثيل ما أمثلش وأكون طبيعي».
وكشف «عمر» عن أنه قام ببطولة فيلم في الصين مع عدد من الممثلين الصينيين وقال: «عملت فيلم في الصين مع فنانين صينيين كبار وكنت باخد تجربة جديدة هناك وفرقت معايا واستفدت منها حاجات كتير، واتعلمت الصيني هناك علشان الفيلم، والفرق بين الشغل في مصر والصين إن فريق العمل هناك في الصين كبير أكبر من مصر»، موضحًا: «أنا ليا أصول صينية واسمي فيه آخر اسمين صيني وهو: عمر شريف فوزي فريد فوشانج يوسوكي».
كما أوضح عن كيفية الموازنة بين التمثيل والدراسة وقال: «أنا بكون متفق في أي عمل إن فيه أوقات معينة بيبقى عندي فيها دراسة وامتحانات، فبيبقى عندي وقت أذاكر فيه وأروح التصوير وساعات بذاكر خلال أوقات التصوير، وأمي هي اللي بتدعمني في استكمال مشوار التمثيل مع الدراسة».
وعن كيفية المحافظة على النجاح، قال: «دي حاجة بتاعت ربنا وبعدين مجهود مني وحب الناس وأنا ما بحبش بعمل حاجات كتير علشان الناس ما يزهقوش مني».
مواضيع ممكن تعجبك
أحدث الأخبار
