استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، الفنانة الشابة دونا إمام للحديث عن أحدث أعمالها الفنية.
وتحدثت دونا إمام عن مشاركتها في فيلم «الحريفة 2»، وقالت: «ألطف أجواء ممكن أي حد صور فيها في المطلق من ممثلين وناس ورا الكاميرا كانت تجربة حلوة أوي ووحشوني، وأنا كل فريق عمل بشتغل معاه بيضيف لي حاجة جديدة وببقى مبسوطة ومش عاوزة التجربة تخلص، لكن أنا ببقى مُرزقة بناس حلوة وبتساعدني».
وعن شخصيتها في فيلم «الحريفة 2»، قالت: «دوري في الحريفة كان توكسيك شوية، هي شخصية شائعة في الجامعة وهي مش شريرة على أد ما هي مشتتة وصغيرة وماعندهاش ثقة في نفسها، والناس في السن ده بيبقوا شايفين نفسهم بطريقة معينة ومش دايما بتطلع بأحسن طريقة، وهي كانت عندها نقص بشكل ما فطلعته بالشكل ده، وفيه ناس قعدت تقول لي ما تطلعيش في دور زي ده في حاجة كبيرة والناس ممكن تفتكرك كده، لكن أنا كممثلة ببقى عاوزة أعمل حاجة فارقة والناس فاكراها».
دونا إمام شاركت في أجزاء ثانية لعملين هما: «الحريفة 2» و«ريفو 2»، وهذا ما تحدثت عنه وقالت: «في الحريفة وريفو شوفت الجزء الأول وكان نفسي أشتغل في حاجة شبه كده فصادف إني في الجزء التاني من الاتنين، والموضوع بالعكس ببقى متشال من عليا الحمل إن العمل ناجح فعلا، والورق كان كامل وحلو فأنا واثقة في العمل».
وأوضحت «دونا» أنها أجرت تجارب أداء لأدوار متعددة لم توفق في العمل فيها، بينها شخصية مايان السيد في مسلسل «إمبراطورية ميم»، وهذا ما قالت عنه: «كنت حابة شخصية مادي في إمبراطورية ميم وكنت عاملة أوديشن ليه ولما شوفت مايان السيد عاملاه كان تحفة جدًا».
مواضيع ممكن تعجبك
أحدث الأخبار
