طمأن الفنان صلاح عبد الله جمهوره على حالته الصحية بعد أزمة أصابته مؤخرًا، وذلك عبر حسابه الرسمي في موقع «إكس».
وكتب صلاح عبد الله رباعية شعرية طمأن فيها جمهوره وكتب:
«ببركة دعاكم وبإذن الواحد الأحد
خفيت شوية من البرد اللي عدَّى الحد
أحسن كتير دلوقتي ومركز لأقصى حد
وبالأمارة النهارده السبت وبعد بكره الحد».
ببركة دعاكم وبإذن الواحد الأحد
خفيت شوية من البرد اللي عدَّى الحد
أحسن كتير دلوقتي ومركز لأقصى حد
وبالأمارة النهارده السبت وبعد بكره الحد
#صاصا pic.twitter.com/2cqXNIxPGc— salah abdallah صلاح عبدالله (@SalahAbdallah) December 20, 2024
وكان الفنان الكبير قد أعاد نشر قصيدة له لجمهوره أمس عبر «إكس»، عبارة عن وصية له بعد موته، وعلق عليها وكتب: «مِش عايزكوا تليكوا ولا تعلقوا/عايزكوا بس تسيفوها/ ولما ييجي اليوم المنظور/ آخر تلات سطور/ بعد الفاتحة إحذفوها..نثرية بالعامية من تخاريفي المعمية».
وجاء في جزء من قصيدته: «لما مت عملتوا إيه؟.. كان نفسي أشوفكم.. بس ما قدرتش أشوف.. لإني مت.. والكلام بيني وبينكو.. لما مت.. زعلتوا عليا قد إيه؟.. يوم يومين تلاته بالكتير.. مش بلومكم.. ده أنا عايزكو تعيشوا يومكم.. صدقوني يومين كتير».
مِش عايزكوا تليكوا ولا تعلقوا/عايزكوا بس تسيفوها/
ولما ييجي اليوم المنظور/
آخر تلات سطور/
بعد الفاتحة إحذفوها
"نثرية بالعامية من تخاريفي المعمية" pic.twitter.com/9GS51vT4Oq— salah abdallah صلاح عبدالله (@SalahAbdallah) December 19, 2024
كان صلاح عبد الله تعرض لأزمة صحية بعد «نزلة برد شديدة» كما وصفها، حيث كتب: «نزلة برد شديدة بتشاور عقلها، تنزل تغزو جسمي بكل تُقلها، ياخلق حد صالح يناشدها يقولها، إن عضم صاصا ماعادشي حِملها».
*صورة من الصفحة الرسمية لـ صلاح عبد الله عبر فيسبوك
مواضيع ممكن تعجبك
أحدث الأخبار