استضاف يوسف التهامي وفانا إمام في حلقة اليوم من «عيش صباحك» على «نجوم إف.إم»، الفنانة الشابة جنا الأشقر للحديث عن أحدث أدوارها في مسلسل «وتر حساس» الذي يُعرض حاليًا.
وقالت جنا الأشقر إنها تبحث في أدوارها القادمة على شخصيات مختلفة: «عاوزة دور زي حد بيتكلم بطريقة مختلفة أو حاجة شعبية وعلى أد ما نفسي أعمله على أد ما لازم أجهز له وأنا بحب أجرب حاجات مختلفة لكن مش بلعب ولازم أجهز كويس أوي.. ولو هعمل فيلم عن حياتي هيبقى اسمه على الله حكايتي».
وعبرت عن أمنيتها بالعمل مع الفنانة منى زكي، مؤكدة تعلقها بالسينما المصرية والعربية مضيفة: «من أكتر الأفلام اللي بحبها البحث عن فضيحة وحب البنات وإذاعة حب».
وتابعت: «أنا في مرحلة مش مقتنعة إن عندي صح أو غلط شوية كشغل وعمري ما هعرف الكويس أو الوحش لي غير لو جربت».
وعبرت جنا الأشقر عن امتنانها وشكرها لدعم أسرتها وثقتهم فيها، وقالت: «أهلي أدوني ثقة في نفسي وأبويا حسسني أد إيه أنا مهمة وإنهم واثقين فيا، لأن التمثيل صعب ومخاطرة فأنا داخلاه بثقة بسبب دعم أهلي، وثقتهم فيا خلتني أثق في نفسي وأعمل ده».
مواضيع ممكن تعجبك
أحدث الأخبار
