شهد لقاء الفنانة عبير صبري مع لينة الطهطاوي عبر برنامج «كلاكيت» على «نجوم إف.إم»، لحظات تأثر ودموع عندما استعادت الفنانة لحظات من طفولتها.
ونستعرض معكم في التقرير التالي لحظات وقصص تأثر مثل تلك لفنانات من بين ضيوف «نجوم إف.إم» على الهواء مباشرة.
تأثرت الفنانة عبير صبري وبكت عندما سألتها لينة الطهطاوي في برنامج «كلاكيت» عن الرسالة التي تقولها لنفسها وهي طفلة في عمر 13 سنة، وهنا استعادت عبير صبري تلك الفترة ولم تتمالك دموعها، وقالت إنها ستحاول حماية عبير الطفلة قدر ما تستطيع وستلازمها في كل مكان: «هحاول أحميها على أد ما أقدر».
الفنانة عايدة رياض غلبتها دموعها في لقاء سابق مع إنجي علي في «أسرار النجوم»، خلال حديثها عن فيلم «أحلام هند وكاميليا»، حيث قالت: «كان نقطة تحول في حياتي زي ما يكون ربنا بعت لي الفيلم ده والدور ده مع الناس دي علشان يرد لي حاجة أو يرضيني بحاجة، غيّر لي خط سيري، ورجع لي ثقتي في نفسي لأسباب كتير، إنما الفيلم ده ربنا بعتهولي وأخدت فيه 4 جوايز».
الفنانة الراحلة مها أبو عوف تأثرت وبكت وهي تتذكر وصية شقيقها الراحل عزت أبو عوف على الهواء مباشرة في «أسرار النجوم»، وقالت إنه أوصاهم على بعضهم البعض قبل موته وأنه كان يدعي الله أن يشفيه كي لا تحزن شقيقاته: «كان بيقول بدعي ربنا إني أشفى علشان خايف على زعل إخواتي».
لحظات من الدموع عاشتها هنا الزاهد على الهواء في «أسرار النجوم» على «نجوم إف.إم» وهي تتذكر الفنان الراحل طلعت زكريا زوج والدتها، وقالت: «أنا مفتقداه، هو أبويا يعني وهو اللي مربينا أنا وإخواتي وكان إنسان بمعنى الكلمة، يعني إيه راجل يربي 3 بنات من زوجته ومعاه ولاده هو كمان، لكن كنت دايمًا أروح له وأنا وأختي، وعينا عليه وهو موجود، ولما رحل حزنت عليه زي أولاده بالظبط، وكنت بتكلم معاه في حاجات حتى ما بقولهاش لماما وكان صاحبي جدًا، وكنت بستشيره في شغلي، وفي أيام المرض بتاعته كان كل ما يقولوا مفيش أمل كان بيرجع تاني، ورغم إنه كان تعبان آخر 9 سنين إلا إنه ما كانش بيبين تعبه لحد».
الفنانة عبير منير زوجة السيناريست الراحل أسامة أنوزر عكاشة، غالبتها الدموع وهي تتذكر أيامه الأخيرة وحديثه لها، حيث قالت في برنامج «أسرار النجوم»: «كان دايمًا يقول لي اتغيري لازم تقدمي سوء النية الأول، وبعدين في الأواخر قال لي أنت الوحيدة اللي إديتيني درس في الحياة، اوعي تتغيري، لأن أنتي صح وباللي عملتيه معايا فهمت إنك اللي صح وربنا اللي بيحمي البني آدم».
مواضيع ممكن تعجبك
أحدث الأخبار
