تمر اليوم 12 نوفمبر الذكرى الثامنة لرحيل الفنان الكبير محمود عبد العزيز، حيث حرص نجلاه الفنانان كريم ومحمد محمود عبد العزيز على إحياء ذكراه.
وشارك محمد محمود عبد العزيز صورة للراحل عبر «إنستجرام» وكتب: «وحشتني… بس كده، جيت لحضرتك بدرى المرادي عشان عيد ميلاد تمارا هانم حفيدتك بكره إن شاء الله وأنا متأكد أن حضرتك هاتبقى موجود معانا».
وتابع: «الغريب إن المرادي لقيت حد مستنيني وبيسأل عليا بقاله يومين، عارف طلع مين؟ الراجل اللي اتكلمت عليه فى برنامج صاحبة السعادة اللي جالي وأنا بصور في بورسعيد وأداني مصحف عشان أقرأ منه لحضرتك، طلع اسمه عم إبراهيم من بورسعيد جه لحضرتك مخصوص وفضل مستنيني عشان كان جايب هدية عشان عيد ميلاد تمارا، هاستأذن حضرتك هانزل صورتي معاه عشان أشكره على ذوقه، إحنا عايشين بحسك يا حاج وهانفضل كده إحنا وولادنا وولاد ولادنا».
View this post on Instagram
كذلك أحيا كريم محمود عبد العزيز ذكرى رحيل والده وكتب عبر «إنستجرام»: «٨ سنين على أكتر يوم فارق في حياتي، الله يرحمك يا أبو الرجولة كلها».
View this post on Instagram
الفنان الراحل محمود عبد العزيز، حاصل على بكالوريوس الزراعة من جامعة الإسكندرية عام 1966، ثم على درجة الماجستير في العلوم الزراعية. بدأ حياته الفنية في التلفزيون، حيث اشترك مع محمود ياسين ونيللي في مسلسل (الدوامة) من إخراج نور الدمرداش. بدأت علاقته الحقيقية بالسينما عام 1974 في فيلم (الحفيد).
كما قدم العديد من الأفلام الرومانسية خلال فترة سبعينيات القرن العشرين منها (حتى آخر العمر، مع حبي وأشواقي، كفاني يا قلب). وفي فترة الثمانينيات والتسعينيات من القرن العشرين بدأ في تقديم العديد من الأعمال الهامة منها (الكيت كات، البحر بيضحك ليه، العار، الصعاليك، البريء، الكيف، جري الوحوش). وعلى الرغم من قلة المسلسلات التي شارك فيها، إلا أنه حقق نجاحًا مدويًا عندما قام ببطولة الأجزاء الثلاثة من مسلسل (رأفت الهجان)، كما قدم عدة مسلسلات أخرى. ورحل محمود عبد العزيز في 12 نوفمبر 2016.
*صورة من الحساب الرسمي لـ محمد محمود عبد العزيز عبر إنستجرام
مواضيع ممكن تعجبك
أحدث الأخبار