تستمع الآن

«بيت العز»| الدكتورة نجوى إبراهيم: «شنطتك واللي فيها بيدل على نوع شخصيتك»

الخميس - ٢١ نوفمبر ٢٠٢٤

حكت الدكتورة نجوى إبراهيم في حلقة اليوم الخميس من برنامجها «بيت العز» على «نجوم إف.إم» عن أن محتويات حقيبتك الشخصية تدل على شخصيتك.

وقالت د. نجوى إبراهيم: «شنطتك هي شخصيتك.. قولي ولوقليلي بتشيلي إيه في شنطتك هعرف شخصيتك إيه، ومالوش علاقة بهيئتك ولا لبسك ولا وظيفتك».

وعددت د. نجوى إبراهيم أنواع الحقائب المختلفة وقالت عن كل منها التالي:

حقيبة الشغل: «بتحط فيها اللابتوب والأوراق والموبايل والشاحن»

حقيبة الجيم: «بتاخدك لعالم الصحة والعضلات»

حقيبة السفر: «بتاخد فيها بيجامة أو أدوية.. إلخ».

حقيبة السوبر ماركت: «بتشيل فيها الخضار أو احتياجات أخرى».

حقيبة المدرسة: «كنت بشيل فيها المناديل المبللة والكتب والكراسات والأقلام والأستيكة والمسطرة والمنقلة»

حقيبة الذكريات: «بنحط فيه ألبومات الصور أو كروت أو ورق خاص».

حقيبة الإسعافات الأولية: «بنحطها في المطبخ والحمام والسيارة».

حقيبة المصيف: «بيبقى فيها كريمات ضد الشمس للكبار والصغار».

حقيبة الأدوات أو «العدّة»: «فيها من الأدوات زي شاكوش وبنسة ومفكات وغيرها».

حقيبة الهدايا: «بيبقى فيها شوكولاتة أو حلويات».

حقيبة الهوايات: «أنا مثلا بحب الرسم وبرسم كويس أوي، وكمان العزف وبعزف بيانو وأكورديون وهعمل ده لما أبطل شغل».

وحكت د. نجوى إبراهيم عن موقف لها مع الفنان ووزير الثقافة الأسبق فاروق حسني، وقالت: «في مرة كان السيد فاروق حسني وزير الثقافة والفنان الكبير، عرف إني برسم فقال لي هشركك في معرض في الأوبرا للمبتدئين، وكان عندي 4 لوحات، واشتركت في المعرض وكنت ماضية عاللوحات، فلقيته رجع لي 3 بس بعد المعرض، وقال لي اللوحة الباقية عجبتني جدًا وأخدتها وأهداني لوحة من عنده».

كما حكت عن موقف طريق حدث لها خلال سفرها لـ نيويورك، وقالت: «ولادي دخلوا جامعة في أمريكا فأخدت في شنطة السفر ملوخية وكمون وكزبرة وتوم، وحطتهم في أكياس وفي شنطة السفر، ونزلت المطار في نيويورك وكان فيه كلبين ما شاء الله وبدأوا هوهوه، فالأمن سألني عالشنطة فقلت ما معاييش أي حاجة، ولما فتحت الشنطة الكلب بدأ هوهوه، فهم لقوا الكمون والكزبرة لونهم بني والملوخية الخضرا وريحة المطار اتقلبت، فقلت للست ولادي في الجامعة وهم بيحبوا الملوخية، فبصت لي وقالت لي أوك، فكانت تجربة جميلة لأني ورت إن الست ست والأم أم في جميع بلدان العالم».


الكلمات المتعلقة‎