في ذكراه.. هكذا تحدث هشام سليم عن الحب والحياة والموت في آخر لقاءاته عبر «نجوم إف.إم»

تمر اليوم 22 سبتمبر الذكرى الثانية لرحيل الفنان الكبير هشام سليم الذي رحل عن عالمنا في 2022.

وفي ذكرى الفنان الراحل، نستعيد معكم أبرز الرسائل التي تحدث عنها في آخر لقاءاته عبر «نجوم إف.إم»، حيث تحدث عن أمور كثيرة بينها الحب والصداقة والحياة والموت.

وكانت أبرز رسائل الفنان الراحل خلال اللقاء هي:

– «التسامح ليس ضعف، وأنا لما بتخانق مع حد بنسى أنا متخانق معاه ولا لأ».

– «السن له سبب في النضج زائد الخبرة اللي مريت بيها في الدنيا، مع إن يكون عندك مخ علشان تقول إيه الكويس والوحش واللي استفدته وإيه اللي لأ، وتكون بتحاسب نفسك بشكل أو بآخر».

– «أنا بحاسب نفسي زي الناس هل أنا صح؟ وساعات بلوم نفسي لو اتخانقت مع حد، لكن ساعات الناس ما بتديش فرصة إنك تمشي الأمور بطريقة تانية».

– «الصداقة مش خروج وفسح وبس، أنا كل أصحابي من أيام المدرسة لغاية النهارده كلهم، لكن في الوسط الفني ماليش صداقات للدرجة دي، مجرد حاجة اجتماعية زي سهرات وحفلات».

– الحب إنك تقدر البني آدم اللي قدامك بأي طريقة يحسها، وأنا بحب بطبيعتي زي ما أقدر أكون بأكون، ما بقولش إني لازم أقول حاجة حلوة، إلا لو طلعت لوحدها».

– «لا أخجل من الاعتذار لأن الاعتذار ساعات بيبقى قوة مش ضعف».

– «السن مجرد رقم وأنت بتفكر فيه إزاي، أنا في رأيي فيه ناس صغيرين بيعجزوا نفسهم، واللي خايف إنه يعجز هو ده اللي بيعجز».

– «اتعلمت إن أنا أبقى أنا وطول ما أكون أنا مش هخسر، لكن لو حاولت أرضي اللي حواليا علشان يرضوا عني مش هعرف أوصل لـ أنا إيه».

– «التجارب فيه اللي قواني وفيه اللي ضعفني، وما أظنش عندي نقطة ضعف».

– «ما بقتش أخاف من حاجة، حتى الموت أنا راضي بيه، لأني مقتنع إن ربنا بياخد البني آدم في أحسن وقت له».