حلت الفنانة لقاء سويدان ضيفة على برنامج «عيش صباحك» على «نجوم إف.إم» مع يوسف التهامي وفانا إمام، للحديث عن مشوارها الفني وأحدث أعمالها الفنية.
وأشارت الفنانة لقاء سويدان إلى بعض المواهب الشابة التي تحبها في الوسط الفني، والذين «اشتغلوا على نفسهم» بحسب وصفها، ومن بينهم: طه دسوقي أحمد داش وسلمى أبو ضيف.
وعن الشخصيات التي تتمنى تجسيدها، قالت: «أنا محظوظة إن مفيش شخصية عملتها زي التانية لكن عاوزة أعمل حاجة استعراضية ونرجع تاني يبقى عندنا حاجة غنائية استعراضية لأننا رواد ده في المنطقة وعندنا دلوقت مواهب كتيرة ومعظم الناس بتغني كويس من الممثلين وعندهم قدرة جسدية يرقصوا كويس، وهي مش مكلفة كفلوس أد ما هي مكلفة كفكر».
وتحدثت الفنانة لقاء سويدان عن الأساتذة والنجوم الكبار الذين تعاملت معهم على مار مشوارها، وقالت: «اشتغلت في الإخراج مع عباقرة المسرح السيد راضي وعصام السيد، لكن فيه نجوم سابولي حاجات إنسانية كبيرة زي الأساتذة: نور الشريف وعادل إمام وفريد شوقي، فمثلًا الأستاذين جلال الشرقاوي وسعد أردش قالولي الممثل عبارة عن كاميرا طول ما أنتي ماشية ماتسيبيش حدث غير لما تسجليه لأنك هتحتاجيه، كمان اتعلمت من الأستاذ نور الشريف إن الانضباط جزء من شخصية الفنان واللي مواعيده بايظة هيقع، وأستاذ عادل إمام كان حافظ العمال من ساعة ما يدخل الاستوديو وكان يقول لي الفنان غالي خليكي عزيزة وغالية واللي بيعملك الناس مش المنتج والمخرج».
مواضيع ممكن تعجبك
أحدث الأخبار
