استضافت لينة الطهطاوي خلال حلقة اليوم من «كلاكيت» على «نجوم إف.إم» الفنانة ميرنا جميل للحديث عن أحدث أعمالها الفنية.
البيت بيتي
كما حكت عن مسلسلها «البيت بيتي» مع كريم محمود عبد العزيز ومصطفى خاطر، وقالت: «حالة خاصة أوي من كل حاجة إنتاج كتابة إخراج تمثيل، وكان فيه كيميا بين الناس في المشاهد، وأنا بعشق شخصيتي في المسلسل (أحلام) لأنها عكس شخصيتي تمامًا».
بيت الرفاعي
وكذلك تحدثت الفنانة ميرنا جميل عن مسلسلها الرمضاني «بيت الرفاعي» مع الفنان أمير كرارة، وقالت: «أنا بعشق دور سامية حلويات البنت الجدعة الطيب واللي بتحب، وانبسطت بالتجربة مع أمير كرارة لأنه بصراحة إنسان طيب وجدع وخلوق، وكانت فيه مشاهد كتير كنت بسأل نفسي هو أنا لو قابلت حد وحبيته هعمل علشانه كل ده، وهي ما كانش مكتوب لها مشاهد كوميديا لكن الضحك كان جاي من المواقف نفسها واختلاف شخصيتها عن شخصية أمير كرارة».
وتابعت: «أنا ماليش في السوشيال ميديا إلا مؤخرًا لما فيه ناس محترمة دلوقت ماسكين الحسابات بتاعتي، وبالراحة مش عايشة 24 ساعة عليها».
كما أوضحت: «بحس إني شخص عاطفي أوي والحاجات بتأثر فيه ورومانسية ودمعتي قريبة وبحس الحاجات، فأكيد لو دخلت حالة حب أكيد هحب أوي من غير ما أبقى ملزقة زي شخصية (إيسو)»
مواضيع ممكن تعجبك
أحدث الأخبار
